The Weeknd yatanze inkunga ku bagizweho ingaruka n’iturika ryabereye i Beirut

Yanditswe na Uwiduhaye Theos
Kuya 13 Kanama 2020 saa 10:59
Yasuwe :
0 0

Umuhanzi w’Umunya-Canada, Abel Makkonen Tesfaye, wamamaye mu muziki nka The Weeknd yatanze inkunga y’amadorali ibihumbi 300 ku bagizweho ingaruka n’iturika ryabereye i Beirut.

The Weeknd agiye gushyikiriza umuryango wa Global Aid ibihumbi 300 by’amadorali yo gufasha abagizweho ingaruka n’iri turika.

TMZ yatangaje ko ifite amakuru y’uko aya madorali azasaranganywa mu bigo bitandukanye birimo World Food Programme, Croix Rouge ya Liban ndetse n’Ikigo cyo muri icyo gihugu gishinzwe abana.

Umujyanama w’uyu muhanzi, Wassim "Sal" Slaiby, usanzwe afite inkomoko muri Liban yavuze ko atewe ishema no kuba hari abahanzi bafite umutima wo gufasha abanya-Liban bari mu mubabaro muri iki gihe. Ashimira The Weeknd uri mu bafashe iya mbere.

The Weeknd asanzwe akora ibikorwa byo gufasha yari aherutse gutanga miliyoni y’amadolari yo gufasha abantu bagizweho ingaruka na COVID19.

Wassim "Sal" Slaiby usanzwe areberera inyungu uyu muhanzi (The Weeknd) n’umugore we Rima Fakih, bari mu bantu bari gufasha abantu bagizweho ingaruka n’iturika riherutse kubera muri Liban.

Ku wa 4 Kanama nibwo muri Beirut habaye iturika ku cyambu cya Beirut, bikekwa ko ryatewe na toni 2750 z’ibinyabutabire bya Nitrate d’Ammonium bikoreshwa mu gukora ifumbire no guturitsa intambi, byari bimaze imyaka itandatu bibitse mu buryo budakurikije amategeko mu bubiko buri ku cyambu cya Beirut.

Hari inyandiko zagaragaje ko inzego zirimo iz’umutekano, iz’ubutabera, izishinzwe gasutamo ku cyambu, n’iza gisirikare zose zatanze umuburo inshuro zigera ku 10, zigaragariza Leta ko hari ibiturika biteye inkeke bibitse ku cyambu cya Beirut mu buryo bunyuranyije n’amategeko.

Reba "Blinding Lights", imwe mu ndirimbo zigezweho za The Weeknd

The Weeknd ari mu bahanzi bafashe iya mbere mu gufasha abagizweho ingaruka n'iturika ry'i Beirut
Abantu barenga 170 nibo bamaze kugwa muri iri turika ryabereye i Beirut

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .