The Ben yongeye gutumirwa i Bruxelles

Yanditswe na Munyengabe Murungi Sabin
Kuya 6 Nzeri 2018 saa 10:45
Yasuwe :
0 0

The Ben yatumiwe mu Bubiligi aho agiye gutangirira urugendo rw’ibitaramo azakorera mu bihugu bitandukanye mu mpera z’uyu mwaka, azabanziriza mu Mujyi wa Bruxelles kuwa Gatandatu tariki ya 5 Ukwakira 2018.

Uyu muhanzi aheruka kujya gukorera igitaramo mu Bubiligi kuwa 5 Werurwe 2016, iki cyitabiriwe mu buryo bukomeye kuri Birmingham Palace, ahari abakunzi ba muzika basaga gato ibihumbi bibiri biganjemo Abanyarwanda n’izindi ngeri z’abafana.

Ubu, The Ben ari mu myiteguro y’ikindi gitaramo avuga ko gikomeye cyane nacyo kizabera kuri Birmingham Palace ku itariki ya 5 Ukwakira 2018. Yavuze ko afite amashyushyu yo kongera kubona abafana be nyuma y’imyaka igera kuri itatu atagera mu Burayi.

Yagize ati “Igitaramo kizabera mu Mujyi wa Bruxelles, ni kimwe mu bitaramo binini ngiye gukora uyu mwaka. Mu myaka ibiri ishize nabwo nagiye mu Bubiligi gukorerayo igitaramo ariko iki ni kinini cyane kandi maze igihe mbisengera ku buryo cyazishimirwa cyane kurusha ubushize.”

The Ben yongeyeho ko akarusho agiye kujyana mu Burayi ari indirimbo nshya yakoze zakunzwe mu gihe kigera ku myaka itatu ishize bityo akizera ko abakunda umuziki we bazaryoherwa byisumbuyeho.

Ati “Icyo abantu bakwitega ni uko hari hashize imyaka ibiri cyangwa itatu ntakorerayo igitaramo, muri icyo gihe cyose nasohoye indirimbo kandi zakunzwe. Kuri iyi nshuro ndishimye cyane, niteguye kujyayo ngataramana n’abakunda umuziki wanjye ku buryo bazishima ku rwego ruhambaye kandi n’Imana izamba hafi.”

The Ben yiteguye kujya gutaramira mu Bubiligi

Mu myaka itatu ishize, The Ben yakoze indirimbo nyinshi zakunzwe uhereye kuri ‘Habibi’ yasohoye avuye i Burayi, ‘Roho yanjye’, ‘Nta cyadutanya’, ‘Binkolera’ yakoranye na Sheebah, ‘Lose Control’ aheruka gukorana na Meddy n’izindi.

Ubwo The Ben aheruka kujya gutaramira i Bruxelles

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza