Tanzania yabonye umukobwa uzahangana na Nimwiza Meghan muri Miss World

Yanditswe na Muvunyi Arsène
Kuya 25 Kanama 2019 saa 11:26
Yasuwe :
0 0

Sylvia Sebastian niwe wegukanye ikamba rya Nyampinga wa Tanzania ahita abona itike yo kuzitabira irushanwa rya Miss World 2019, rizaba ririmo Nyampinga w’u Rwanda Nimwiza Meghan.

Umuhango wo gutora Miss Tanzania wabaye mu ijoro ryo ku wa Gatanu tariki 23 Kanama 2019 mu Mujyi wa Dar es Salaam.

Iri rushanwa ryari ririmo abakobwa 20 baturutse mu ntara zitandukanye zigize Tanzania.

Sylivia Sebastian wari uhagarariye Mwanza niwe watowe nk’uwahize abandi ahita agirwa Nyampinga wa Tanzania mu 2019 ahembwa n’amashilingi miliyoni 10 angana na miliyoni eshatu n’ibihumbi 900 z’amafaranga y’u Rwanda.

Uyu mukobwa kandi yahise abona itike yo kuzahagararira igihugu cye mu irushanwa rya Miss World mu 2019 rizabera mu Bwongereza, aho azahurira n’abandi bazaturuka mu bihugu bitandukanye birimo n’u Rwanda ruzahagararirwa na Nimwiza Meghan ufite ikamba rya Nyampinga w’u Rwanda.

Yari asanzwe afite ikamba rya Miss Mwanza na Miss Lake Zone.

Mbere y'uko hatangazwa uwatsinze imitima yadihaga kuri babiri ba mbere
Batanu bageze mu cyiciro cya nyuma
Yahembwe miliyoni 10 z'amashilingi ya Tanzania
Sylivia Sebastina yegukanye ikamba rya Miss Tanzania
Byari ibyishimo kuri Sylivia nyuma yo gutorwa nka Miss Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza