Songa Logistics yatangaje impamvu yinjiye mu baterankunga ba Miss Rwanda 2020

Yanditswe na Nsengiyumva Emmy
Kuya 17 Mutarama 2020 saa 02:46
Yasuwe :
0 0

Irushanwa rya Miss Rwanda 2020 ryagaragayemo impinduka nyinshi, zirimo umubare w’abaterankunga bashya binjiyemo bikanagira ingaruka ku bihembo bizahabwa abakobwa bazatsindira amakamba.

Songa Logistics ni kimwe mu bigo bishya byinjiye mu baterankunga bashya ba Miss Rwanda , aba bakaba bariyemeje no guhemba umukobwa uzegukana ikamba ry’Igisonga cya kabiri.

Twasuye Songa Logistics aho ikorera i Gikondo (Rwandex) batuganiriza ku bikorwa byabo banadusangiza impamvu bahisemo kwinjira mu baterankunga b’irushanwa rya Miss Rwanda 2020.

Songa Jean Bosco Umuyobozi wa Songa Logistics yabwiye IGIHE ko ubusanzwe bakora ibikorwa binyuranye bijyanye n’ubucuruzi.

Yagize ati “Dukora ibikorwa bijyanye n’ubwikorezi bw’ibintu byinjira mu Rwanda bivuye mu mahanga. Twunganira abacuruzi mu bijyanye n’imisoro n’amahoro, Tukanakora ubwikorezi bw’ibintu biri mu gihugu hagati yaba kwimura ibintu n’abantu bava ahantu hamwe bajya ahandi.”

Songa uyobora iki kigo kimaze imyaka ibiri yavuze ko abo bakorana umutekano w’ibintu byabo uba wizewe cyane kuko haramutse hagize n’icyangirika bakimuriha.

Asobanura uko binjiye mu irushanwa rya Miss Rwanda, yavuze ko bwari uburyo bwo gushyigikira gahunda ya Leta.

Ati “Twagiye muri Miss Rwanda mu buryo bwo kugira ngo tugendane n’iterambere ry’igihugu cyacu cyiyemeje kuzamura umwana w’umukobwa. Twasanze umurongo twanyuramo dushyigikira iryo terambere rero ari muri Miss Rwanda.”

Songa Logistics biyemeje guhemba Igisonga cya kabiri cya Miss Rwanda 2020 Miliyoni imwe n’ibihumbi magana abiri (1 200 000frw) akanaba ambasaderi wabo umwaka wose.

Irushanwa rya Miss Rwanda kuri uyu wa Gatandatu byitezwe ko rizakomereza mu mujyi wa Kigali ahazaba hashakwa abakobwa bazawuhagararira, aba bakazahangana na 34 batoranyijwe mu ntara enye zisigaye z’u Rwanda.

Abakobwa bazahagararira Intara zose nibamara kuboneka bazahabwa nimero batangire gutorwa ndetse bazanahatane mu ijonjora rya mbere hakazatorwa 20 bazajya mu mwiherero.

Abakobwa 20 bazajya mu mwiherero nibo bazatoranywamo uzegukana ikamba rya Miss Rwanda 2020 n’ibisonga bye harimo icya kabiri kizahembwa na Songa Logistics.

Shira amatsiko ku bikorwa bya Songa Logistics izahemba igisonga cya kabiri muri Miss Rwanda2020

Songa Jean Bosco Umuyobozi wa Songa Logistics yavuze ko binjiye mu baterankunga ba Miss Rwanda kugira ngo bashyigikire iterambere ry'umukobwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza