Safi Madiba yituye Karigombe bakorana indirimbo nshya “Umunyerezo”

Yanditswe na Nsengiyumva Emmy
Kuya 13 Mutarama 2020 saa 08:45
Yasuwe :
0 0

Safi Madiba n’umuraperi Karigombe usanzwe ufasha Riderman ku rubyiniro bakoranye indirimbo bise “Umunyerezo” .

Karigombe aganira na IGIHE yavuze ko iyi ndirimbo batangiye kuyitekereza mu bitaramo bya Iwacu Muzika Festival cyane ko Safi Madiba yari afitemo akazi bigahurirana n’uburwayi bwa Riderman ntabone uko amufasha.

Iki gihe Safi Madiba yiyambaje Karigombe mu cyimbo cya Riderman, uyu muraperi ukizamuka ntiyamugoye bituma nyuma yabyo bemeranya gukorana indirimbo nawe yo kumushyigikira mu kuzamuka kwe.

Karigombe yagize ati "Safi Madiba ni umuririmbyi mwiza njye ndi umuraperi , nagiye ngira amahirwe yo guhurira nawe mu bitaramo bitandukanye hanyuma musaba ko twakorana indirimbo arabyemera dutangira Umunyerezo gutyo .”

Iyi ndirimbo bahuriyemo we avuga ko ayifata nk’inyiturano nziza ya Safi wiyemeje gushyira itafari ku iterambere ry’umuziki we.

Umunyerezo yasohotse mu buryo bw’amajwi mu gihe amashusho yayo yo azasohoka vuba nkuko Karigombe abivuga.

Karigombe yavuze ko mu buzima busanzwe babana nk’abavandimwe ariko ku rubyiniro akamufasha nk’umwunganira mu ndirimbo ze.

Abajijwe niba guhora afasha Riderman bitazamudindiza mu iterambere rye, yagize ati "Oya rwose, nyuma yo kumufasha mu ndirimbo ze nanjye nkora izanjye, ikindi iyo turi kumwe ku rubyiniro agerageza kubwira abantu ko ari kumwe n’umuntu ufite impano akampa n’akanya nkagaragaza impano.”

Umva indirimbo "Akanyerezo" ya Karigombe na Safi Madiba

Karigombe asanzwe afasha Riderman mu bitaramo bikomeye
Safi Madiba yituye Karigombe bakorana indirimbo "Umunyerezo" mu rwego rwo kumushyigikira

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza