00:00:00 IGIHE NETWORK KN KINYARWANDA EN ENGLISH FR FRANCAIS

Rick Ross yashimagije ibirori by’abambaye imyenda yera bitegurwa na Zari

Yanditswe na Mahoro Vainqueur
Kuya 22 Ukuboza 2022 saa 08:21
Yasuwe :

Umuraperi Rick Ross yashimiye cyane Zari Hassan wongeye kubyutsa ibirori by’abambaye imyenda y’imyeru (All-White party) mu Mujyi wa Kampala muri Uganda.

Mu butumwa bw’amashusho, Rick Ross yanyujije kuri Instagram yashimiye Zari Hassan wongeye kugarura ibi birori byaherukaga i Kampala mu 2017.

Uyu muraperi uri mu bafite izina muri Amerika yagize ati “Ndabikunze cyane Zari, numvise ko hari ‘All White Party’ i Kampala ku wa 22 Ukuboza. Ibirori byawe bihora ari bigari. Njye n’umujyango wanjye hano turakwishimiye.”

Zari Hassan w’imyaka 42 avuga ko ibi birori bitandukanye n’ibindi byabaye mu myaka itanu ishize.

All-White party ni bimwe mu birori byitabirwaga n’abantu benshi muri Uganda, byakunze kurangwamo umubare munini w’ibyamamare bivuye mu bihugu bitandukanye byo ku Mugabane wa Afurika no hanze yawo.

Ibi birori byagaruwe na Zari Hassan bitegerejwemo bamwe mu bagaragaye muri filime ‘Young, Famous, and African stars’ uretse Diamond Platnumz utegerejwe mu Mujyi wa Kigali aho yatumiwe mu gitaramo “One People Concert’’ izabera muri BK Arena ku mugoroba wo ku wa Gatanu, tariki ya 23 Ukuboza 2022.

Abitabira ibi birori barimo Umunyafurika y’Epfo ukina filime, Khanyisile Mbau, Andile Ncube, Naked DJ, Kayleigh Schwark na Swanky Jerry bageze i Kampala ku wa Gatatu, tariki 21 Ukuboza 2022.

Ibi birori birangwamo inzoga z’ihenze z’amoko atandukanye birabera Motiv Hotel ahubatswe akabyiniro k’umunsi umwe.

Rick Ross yashimagije ibirori by’abambaye imyenda yera Zari Hassan yagaruye muri Uganda
Ibi birori byitabirwaga n'abibyamamare byiganjemo abavuye hanze ya Uganda
Zari Hassan yasubukuye ibirori bya 'All In White Party' yari amaze igihe kinini ategurira muri Uganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .