00:00:00 IGIHE NETWORK KN KINYARWANDA EN ENGLISH FR FRANCAIS

R Kelly yahamwe n’ibyaha byo gukinisha abana filime z’urukozasoni

Yanditswe na Mahoro Vainqueur
Kuya 16 September 2022 saa 08:24
Yasuwe :

Urukiko rwo muri Chicago kuwa Gatatu rwahamije umuhanzi Robert Sylvester Kelly, icyaha cyo gukoresha umwana w’umuhungu filime z’urukozasoni no gushora abakobwa mu bikorwa by’ubusambanyi

Uyu muhanzi w’imyaka 55 aheruka guhamwa n’ibyaha bitatu muri bine aregwa byo gukoresha abana filime z’urukozasoni na bitatu muri bitanu by’ihohotera rishingiye ku gitsina yakoreye abana batarageza imyaka y’ubukure.

Gusa yagizwe umwere ku kirego kimwe cy’umugambi mubisha wo kubangamira ubutabera n’umugambi wo kwakira amashusho y’urukozasoni y’abana.

Muri Leta ya Chicago, uwahamwe n’icyaha kimwe cyerekeranye n’amashusho y’urukozasoni y’abana ahabwa igihano kitarenze imyaka 10.

Jennifer Bonjean wunganira R Kelly, yavuze ko umukiriya we atagomba kugira ikibazo kuri uru rubanza kuko agiye gutanga ubujurire.

Abacamanza bahamije R. Kelly icyaha nyuma yo kumva ubuhamya bwatanzwe mu byumweru bitatu byose, harimo n’umugore umwe watanze ubuhamya ko R Kelly yamusambanyije akiri muto afite imyaka 14.

Uyu mugore yari umwe muri batanu bari muri iki kirego. Avuga ko R Kelly yamusambanyije anafata amashusho ye ndetse n’abandi bana bane.

Abandi bareganwa na R. Kelly , barimo Derrel McDavid na Milton Brown, bahoze banakorana bo bagizwe abere ku byaha byose bakurikiranyweho.

McDavid wahoze ari umucungamari wa R Kelly akaba n’umuyobozi ushinzwe ubucuruzi, yashinjwaga umugambi wo kwakira amashusho y’urukozasoni y’abana no gucura umugambi wo kubangamira ubutabera.

Muri Kamena, R Kelly yakatiwe igifungo cy’imyaka 30 n’urukiko rw’ikirenga rwa New York, iyi myaka ishobora kwiyongera kubera ibindi birego aregwa muri Leta ya Illinois na Minnesota.

R Kelly yahamwe n’ibyaha byo gukinisha abana filime z’urukozasoni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .