00:00:00 IGIHE NETWORK KN KINYARWANDA EN ENGLISH FR FRANCAIS

P Fla yanyuze benshi bitabiriye igitaramo yakoreye mu Biryogo (Amafoto)

Yanditswe na Uwiduhaye Theos
Kuya 23 June 2022 saa 09:12
Yasuwe :

Umuraperi Murerwa Hakizimana Amani (P Fla) yongeye kwerekana ko ari umwe mu bagikunzwe, mu gitaramo yakoreye i Nyamirambo, mu Biryogo.

Ni kimwe mu bitaramo bya muzika byagenewe gususurutsa abitabiriye Inama ya CHOGM, byiswe Kigali’s People Festival.

P Fla yari abaye umuhanzi wa gatatu waririmbye i Nyamirambo nyuma ya Mico The Best wabanje na Riderman.

Uyu muraperi usigaye afashwa na Homiez, yagiye ku rubyiniro mu masaha ya saa yine zirengaho iminota. Yaririmbye indirimbo ze zakunzwe zirimo “Ingwatira” yakoranye na Kamichi, “Umusaza P Fla” n’izindi afashwa n’abari bitabiriye igitaramo.

Ibitaramo bigamije gususurutsa abitabiriye inama ya CHOGM bigera kuri 14 bikaba bigomba kubera mu bice bibiri byashyiriweho imyidagaduro mu Mujyi wa Kigali, mu mihanda yahariwe abashaka kwidagadura. Byahawe izina rya Kigali’s People bitangira kuva tariki 20 kugeza 26 Kamena 2022, muri Car Free Zone y’i Nyamirambo ndetse n’i Remera ku Gisimenti.

Byatumiwemo abahanzi batandukanye bakomeye. Ubwo P Fla yari i Nyamirambo, Chriss Eazy uri mu bakunzwe na we yari ari gususurutsa abantu ku Gisimenti i Remera.

Abafana ba P Fla bamweretse urukundo
Igitaramo P Fla yakoreye mu Biryogo cyari cyitabiriwe n'abatari bake
Abitabiriye igitaramo baririmbanaga na P Fla
Muri Car Free zone y'i Nyamirambo aho igitaramo cyabereye hari hakubise huzuye
P Fla yataramiye abafana be mu byishimo bisesuye
Mu Biryogo hari hari abantu benshi bagiye kureba umuraperi P Fla
P Fla ku rubyiniro yari yajyanye n'undi musore wamufashaga ku rubyiniro
P Fla yabaye umuhanzi wa gatatu uririmbiye i Nyamirambo nyuma Riderman na Mico

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .