Nyuma y’amezi umunani, Nikuze agiye kongera kugaragara muri Citymaid

Yanditswe na Nsengiyumva Emmy
Kuya 5 Nzeri 2020 saa 11:49
Yasuwe :
0 0

Musanase Laura wamenyekanye nka Nikuze muri filime ya Citymaid, nyuma y’igihe kirekire atagaragara muri iyi filime byemejwe ko agiye kongera kuyikinamo ndetse hatangazwa icyari cyabaye kugira ngo abantu bamuburire irengero.

Amezi yari abaye umunani uyu mukobwa atagaragara muri iyi filime itambuka kuri televiziyo y’Igihugu ndetse iri mu zikunzwe bikomeye. Benshi mu bakurikiranira hafi iby’imyidagaduro bari batangiye gutekereza ko yaba yarasezerewe cyangwa yarasezeye.

Icyakora kugeza ubu abakunzi be muri iyi filime bamaze kubona inkuru y’ihumure, ubuyobozi bwa Zacu Films ari nayo itunganya Citymaid bwatangaje ko uyu mukobwa agiye kongera kuyigaragaramo.

Misago Nelly Wilson, Umuyobozi wa Zacu Films yabwiye IGIHE ko batigeze batandukana n’uyu mukobwa ahubwo ari ko inkuru yari yanditse.

Ati” Inkuru niko yari yanditse, Nikuze yari afite umukunzi w’umuzungu, byabaye ngombwa ko bajyana hanze. Niho yari amaze igihe, rero ubu agiye kugaruka mu Rwanda.”

Misago avuga ko hakiri byinshi biteye amatsiko ku igaruka rya Nikuze. Ati ”Benshi bibaze uko Nikuze azitwara akigera mu Rwanda, mwibuke ko agifite Nick umukunda ndetse na Gatari basezeranye banafitanye umwana. Hari byinshi bigiteye amatsiko.”

Ibice Nikuze azagaragaramo biri mu gice cya 16 cy’iyi filime cyatangiye gutambuka kuri Televiziyo Rwanda mu ntangiriro z’uku kwezi. We azatangira kugaragara kuri ’episode’ [agace] ya kane izagaragara mu mpera za Nzeri 2020.

Nikuze yari amaze amezi umunani atagaragara muri iyi filime, aho yaherukaga kugaragara mu gice cya 13, bivuze ko hatambutse ibice bitatu byose atarimo.

Hari bamwe bari batangiye gutekereza ko kubura kwe muri iyi filime, kwaba kwaratewe nuko yayivuyemo nkuko byagendekeye Bahavu Jeannette wayimenyekanyemo nka Diane.

Musanase cyangwa se Nikuze ni umwe mu bakinnyi ba filime bagezweho mu Rwanda ndetse yanagiye abihererwa ibihembo bitandukanye.

Musanase ni umwe mu bakinnyi bagezweho muri filime nyarwanda
Musanase Kaura usibye kuba ari umukinnyi ugezweho, yagiye anegukana ibihembo by'umukinnyi mwiza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .