Mutimawurugo yateguye irushanwa ry’imivugo n’indirimbo mu mashuri avugwamo ibiyobyabwenge

Yanditswe na Muvunyi Arsène
Kuya 20 Werurwe 2019 saa 08:10
Yasuwe :
0 0

Umuhanzikazi Mutimawurugo Claire ari gutegura irushanwa ry’indirimbo n’imivugo rizahuza abanyeshuri biga mu bigo bigaragaramo ibiyobyabwenge kurusha ibindi mu Mujyi wa Kigali.

Mutimawurugo ni umuhanzikazi wamenyekanye mu ndirimbo zamamaza Perezida Kagame n’izindi zigisha uburere mboneragihugu.

Yabwiye IGIHE ko afatanyije na Minisiteri y’Uburezi, Inteko Nyarwanda y’Ururimi n’Umuco na Polisi y’Igihugu yateguye irushanwa ry’indirimbo n’imivugo mu rwego rwo kurwanya ibiyobyabwenge.

Ibihangano bizaba bishingiye ku nsanganyamatsiko igira iti “Nanze ibiyobyabwenge kuko ni njye Rwanda rw’ejo.”

Iri rushanwa rizabera mu bigo by’amashuri 30 byo mu turere tugize Umujyi wa Kigali, rikazatangirana n’igihembwe cya kabiri cy’amashuri uyu umwaka.

Mutimawurugo yavuze ko yafashe icyemezo cyo gutanga umusanzu mu kurwanya ibiyobyabwenge mu rubyiruko kuko yasanze ari ikibazo gihangayikishije cyane.

Ati “ N’ubwo ndi umuhanzikazi mba mu nzego z’ibanze. Rimwe twagiye ahantu mu nteko z’abaturage umubyeyi aza kurega abana bafataga ibiyobyabwenge bakamukubita, abaturanyi nta mutekano, asaba ko abo bana babajyana mu bigo ngororamuco. Nibaza ku mutima nk’umuhanzikazi icyo nakora kugira ngo mpashye ibi bintu.”

Yahisemo gukorera ubu bukangurambaga mu bigo by’amashuri yo muM wa Kigali, agaragaramo abanyeshuri bakoresha ibiyobyabwenge mu rwego rwo kubiha umwihariko.

Batanu bazarusha abandi mu mivugo n’indirimbo bazahembwa amafaranga nubwo atayatangaje, ibikoresho by’ishuri n’iby’isuku.

Mutimawurugo yateguye irushanwa ry’imivugo n’indirimbo mu mashuri avugwamo ibiyobyabwenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza