Amakuru agera kuri IGIHE yemeza ko uyu mukobwa avuka ku mubyeyi umwe w’Umunyarwandakazi mugihe Se ari uwo muri Tanzania ari naho yavukiye.

Muthon yari aherutse kwegukana ikamba rya Miss Grand Kigoma, mu rugendo rwo guhatanira ikamba rya Miss Grand Tanzania ryabaye mu mpera z’icyumweru turangije, icyakora birangira atagize ikamba na rimwe yegukana.

Ku wa 16 Kanama 2025 nibwo hatanzwe ikamba rya Miss Grand Tanzania ryegukanywe na Beatrice Alex Akyoo atsinze abarimo Muthon Paul Chagonja wari uhagarariye agace ka Kigoma kari mu Majyaruguru y’Uburengerazuba bwa Tanzania.

Iri rushanwa ryongeye kuba nyuma y’uko mu 2024 ryegukanywe n’uwitwa Fatma Suleiman wari utsindiye iri kamba nyuma y’uko ryari rimaze imyaka itanu ritaba kubera impamvu zitandukanye zirimo na Covid-19.

Uretse Beatrice Alex Akyoo wegukanye ikamba, ibi birori byatangiwemo andi makamba arimo irya Miss Earth2025, Miss Cosmo Tanzania 2025, Miss Africa International Tanzania 2025, Miss Tourism Tanzania 2025, Miss Elite Tanzania 2025 abayegukanye bakaba bahise banatsindira itike yo guhagararira Tanzania muri aya marushanwa ku rwego rw’Isi.

Muthon Paul yitabiriye irushanwa rya ‘Miss Grand Tanzania 2025’ ahagarariye Kigoma

Muthon Paul afite nyina w'Umunyarwandakazi mu gihe Se umubyara ari uwo muri Tanzania

Muthon Paul ufite inkomoko mu Rwanda ntabwo yahiriwe muri ‘Miss Grand Tanzania 2025’

Nubwo akomoka mu Rwanda, Muthon Paul yavukiye ndetse akurira muri Tanzania

Mu makamba yatangiwe muri iri rushanwa nta na rimwe Muthon Paul yabashije kwegukana