00:00:00 IGIHE NETWORK KN KINYARWANDA EN ENGLISH FR FRANCAIS

Abarenga igihumbi bitabiriye igitaramo cya Alex Dusabe na Israel Mbonyi (Amafoto)

Yanditswe na Ntabareshya Jean de Dieu, Nsengiyumva Emmy
Kuya 21 May 2022 saa 10:30
Yasuwe :

Abakunzi b’umuziki wo kuramya no guhimbaza Imana banyuzwe n’igitaramo ’Kigali Gospel Festival’ cyateguwe n’umuhanzi Alex Dusabe, iki cyabereye mu Mujyi wa Kigali ahazwi nko muri Car Free Zone kitabiriwe n’umubare munini w’abakunzi b’umuziki.

Abarenga igihumbi bitabiriye iki gitaramo bagize umwanya wo kuramya no guhimbaza Imana binyuze mu ndirimbo z’abahanzi babataramiye, bamwe bataha bavuga ko no muri Gospel biboneye aho gutaramira mu Mujyi wa Kigali, bati "Twabonye Gisimenti yacu!"

Abahanzi barimo Alex Dusabe, Israel Mbonyi na Pappy Claver n’abandi banyuranye bari bakereye gususurutsa abakunzi b’umuziki bari bitabiriye iki gitaramo.

Ahagana saa kumi n’ebyiri z’umugoroba nibwo umurishyo w’ingoma wari utangiye kuvuga nkuko byari biteganyijwe muri gahunda.

Ubwinshi bw’abitabiriye iki gitaramo bwahitaga bukwereka ko mu Mujyi wa Kigali hari kubera ikintu kidasanzwe cyane ko imyaka yari ibaye myinshi ibitaramo nk’ibi bitaba.

Nyuma yo kubona ko umuhanda wakubise ukuzura, abakunzi b’umuziki bo bahisemo kwinjira mu mazu maremare ari ahabereye iki gitaramo ubundi bagikurikirana bibereye mu magorofa y’inzu zirimo Icyiciro gikuru gikuru cya Banki ya Kigali, Makuza Pension Plaza, Inyubako ikoreramo Umujyi wa Kigali, n’izindi.

Uko byaryohaga niko kirogoya yagendaga iboneka,nako niko satani yabyitambikaga. Ibyuma byabanje kugorana cyane igitaramo kigitangira ubwo Bosco Nshuti yari ku rubyiniro, ariko birushaho kuba bibi ubwo Papy Claver yageragaho.

Guhagarara ku igitaramo ntabwo byaciye abakitabiriye intege byabindi byo mu bitaramo dusanzwe tubona aho umuziki ushobora guhagarara abantu bagakuramo akabo karenge, ubwo byari bibaye bibi ku buhanga bw’ibyuma abitabiriye iki gitaramo bahisemo gutera indirimo zo mu gitabo cyo guhimbaza hanyuma urubyiniro rwari rwakonje rwimukira mu bafana.

Ubwo Israel Mbonyi yari amaze kunyura imitima y’abitabiriye iki kirori byaje kongera gupfa noneho abantu bagwa mu kantu bamwe batangira gusezera ku bw’amahirwe ibyuma birakunda, Mbonyi wari wamanutse asubira ku rubyiniro aririmba indirimbo ebyiri.

Mu bitabiriye iki gitaramo banyuzwe n’injyana z’abarokore kubera ko hari igihe bisabwa kugira ngo ugende neza ndetse ikirenze kuri ibyo ni ukubaka ubudahangarwa mu mashuri Makaru n’itumanaho muri Minisiteri.

Ubwo Israel Mbonyi yageraga ku rubyiniro yatunguwe no gushimirwa n’abakunzi be bamuririmbiye indirimbo yo kwifatanya nawe ku munsi we w’amavuko.

Ubwo yari ku rubyiniro, Israel Mbonyi yishimiwe bikomeye n’abafana be cyane ko buri ndirimbo yose yaririmbaga yabaga ari kugendana nabo.

Nyuma ya Israel Mbonyi, Alex Dusabe nawe yahise yigabiza urubyiniro maze mu ndirimbo ze zakunzwe asusurutsa abakunzi b’umuziki we.

Uyu muhanzi wanateguye iki gitaramo yafashe iminota irenga kuri 30 ku rubyiniro asusurutsa abakunzi be avaho igitaramo kinahita kirangira.

Alex Dusabe yatangiye gutegura ibi bitaramo mbere gato ya Covid-19, icyakora biza gukomwa mu nkokora n’iki cyorezo.

Nyuma y’uko bigaragaye ko Covid-19 isa naho itanze agahenge ku Isi, Alex Dusabe wari watangiye iki gikorwa yongeye kugisubukura.

Abakunzi b'umuziki bitabiriye ku bwinshi, igisigaye ni uko ubutaha abantu bazita ku byuma bya muzika
Bosco Nshuti na we yaririmbye muri iki gitaramo
Benshi baba bifuza gusigarana agafoto k'urwibutso
N'ababyeyi bakuru bari bitabiriye iki gitaramo
Car Free Zone yumvise imirindi y'abaramyi muri iki gitaramo
Nubwo ibyuma byabanje gukorogana ariko abaramyi ntibyabahungabanyije
Abarenga 1000 bitabiriye iki gitaramo
Bakuruye intebe zo mu biro bataramana n'abaramyi baririmbiraga imbere y'inyubako bakoreramo
Igicuku cyabafatiye mu kazi bategereje gutaramana n'abaramyi
Muri Banki ya Kigali byabasabye kurenza amasaha y'akazi bategerereza igitaramo mu biro
Iyo umuziki wo kuramya no guhimbaza Imana ukujyanye
N'inyuma y'urubyiniro ahadakunze kurangwa akavuyo k'abantu byari ibicika
Cyari igitaramo gikomeye kandi kirimo umwuka wo kuramya no guhimbaza Imana
Miss Nishimwe Naomie bari gukundana bari bitabiriye iki gitaramo
Miss Nishimwe Naomie n'umukunzi we bageze aho bafata ibyicaro
Israel Mbonyi yavuye ku rubyiniro benshi batabishaka
Bamwe byabasabye kwinjira mu nyubako y'ibiro by'Umujyi wa Kigali ngo bakurikire neza iby'iki gitaramo
Iki gitaramo ni kimwe mu bibera muri Car Free Zone byitabiriwe n'umubare munini w'abakunzi b'umuziki
Binyuze mu ndirimbo ze, Izrael Mbonyi yashimishije abakunzi b'umuziki wo kuramya no guhimbaza Imana bari bitabiriye iki gitaramo
Ni igitaramo cyahuriranye n'isabukuru y'amavuko ya Israel Mbonyi
Usibye kuririmbirwa, Israel Mbonyi yanaherewe impano ku rubyiniro
Israel Mbonyi yakozwe ku mutima n'impano yaherewe ku rubyiniro
Dominique Ashimwe yasuhuje abakunzi be bari bitabiriye iki gitaramo
Mu ndirimbo ze zakunzwe Alex Dusabe yasusurukije abitabiriye iki gitaramo
Alex Dusabe yabanje kuragiza Imana igitaramo yakoze
Aime Uwimana yaramukije abitabiriye iki gitaramo
Kuririmba indirimbo z'umuremyi bisaba kubanza kumwiyambaza
Agakiza kagaragaraga mu maso yabo
Ababyeyi bari bazanye abana babo muri iki gitaramo
Alain Numa yaragije Imana abari bitabiriye iki gitaramo
Nubwo afite ubumuga ntibyamubujije kwitabira iki gitaramo
Umuziki uba ubyinwa nk'ahandi
Igitaramo cyateguwe na Alex Dusabe cyari cyitabiriwe n'umubare munini w'abakunzi b'umuziki
Alex Dusabe yataramiye abarenga igihumbi bitabiriye igitaramo cye

Amafoto: Munyakuri Prince


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .