Aba bombi bizihiza ibirori by’isabukuru y’amavuko mu kwezi kwa Mutarama buri mwaka , kuri uyu wa 20 Mutarama 2023 , Miss Nishimwe Naomie abinyujije ku mbuga nkoranyambaga yatakagije umukunzi we karahava.

Mu butumwa yanditse agira ati "Tariki 20 Mutarama yazanye uyu mugabo w’igitangaza mu isi, maze uyu muntu nawe azana ibyishimo n’umunezero mu buzima bwanjye.”

“Nta kindi nakwifuriza uretse kuramba kandi nzakomeza gusenga Imana ishobora byose gukomeza kuguha umugisha n’ibintu bihambaye mu buzima bwawe bwose kubera ko ukwiriye ibyiza.”

“ Nzakomeza gusenga kandi ngo ukomeze kuba umuntu mwiza nk’uko wahoze, ugira ubuntu kandi ukunda Imana.”

“Ishimire undi mwaka wo kunezezwa n’ibyawe ndetse no guhora twishimanye. Ndagukunda. Isabukuru nziza ku wandemewe.”

Mu kwizihiza isabukuru y’amavuko y’umukunzi we Miss Nishimwe Naomi yifashishije indirimbo ya Brian Nhira yise ‘Would You Still Love Me?’

Inkuru y’urukundo rw’aba bombi yatangiye kumvikana mu bitangazamakuru bitandukanye kuva muri Mata 2022.

Kuva icyo gihe yaba Nishimwe Naomie na Michael Tesfay bahorana agatoki ku kandi mu ngendo zitandukanye ndetse no mubikorwa bitandukanye bakora mu Rwanda no hanze yarwo.

Muri Nzeri 2022 Miss Nishimwe Naomie yaherekeje umukunzi we muri Gabon aho bagiye kunoza ubufatanye bwa sosiyete ya ‘Bizcotap’ isanzwe ari iya Michael Tesfay na ‘Be-space group’ y’umugore witwa Angoang Grâce Manuella wo muri iki gihugu.

Mu birori biheruka bya Miss Rwanda 2022, Michael Tesfay na Miss Nishimwe Naomie bitabiriye ibi birori bagiye kwihera ijisho uwegukana ikamba,

Michael Tesfay ukundana na Nishimwe ni umusore ufite Masters mu bijyanye n’ubuvuzi. Yize muri Kaminuza ya Edinburgh mu Bwongereza ariko muri iki gihe asigaye aba mu Rwanda.

Afite imishinga itandukanye ijyanye n’ubuzima irimo n’uwo afatanya na Miss Akaliza Amanda ujyanye no kwita ku buzima bwo mu mutwe hifashishijwe ikoranabuhanga.

Uyu musore akigera mu Rwanda mu 2018 yakoraga muri Kaminuza y’u Rwanda nk’uwimenyereza umwuga aho yakoze mu gihe cy’amezi ane.

Muri Mata 2022 nyuma y’iminsi mike Miss Nishimwe Naomie agaragaje ko afite umukunzi nibwo Michael Tesfay yatangaje ko yafashe umwanzuro wo gutura mu Rwanda akahakorera ibikorwa bye bitandukanye.

Uyu mukunzi wa Naomie avuga ko yagenze ibihungu byinshi , gusa nyuma yo kugera mu Rwanda mu 2018 yanyuzwe n’ibihe yahagiriye bituma afata umwanzuro wo kuhaguma.

View this post on Instagram

A post shared by Miss Rwanda 2020 (@ishimwenaomie5_)

Ubwa mbere bavugwa mu rukundo, hari mu birori byo gutanga ikamba rya Miss Rwanda 2022

Miss Nishimwe Naomie n'umukunzi we bagiye kurebana umukino wa Basketball

Mu buzima bwa buri munsi Nishimwe Naomie n'umukunzi we bakunze kugaragara bari kumwe

Shampiyona ya Basketball iheruka bayigiriyemo ibihe byiza

Miss Nishimwe Naomie aherutse guherekeza umukunzi we mu rugendo rw'akazi muri Gabon

Ubwo Miss Nishimwe Naomie n'umukunzi we bari muri Gabon

Iyo bari kumwe ibyishimo biba ari byinshi kuri Miss Nishimwe Naomie

Kuva mu ntangiriro z'umwaka ushize hatangiye kuvugwa urukundo rwa Miss Nishimwe Naomie n'uyu musore wari uherutse gusoza amasomo ye mu Bwongereza

Miss Nishimwe Naomie yifashishije amagambo aryoheye ugutwi yifuriza umukunzi we isabukuru y'amavuko

Miss Nishimwe Naomie yijeje umukunzi we gukomeza kumusengera ngo akomeze kuba umuntu mwiza nk’uko yahoze, agira ubuntu kandi akunda Imana

Miss Nishimwe Naomie yifashishije amagambo aryoheye ugutwi yifuriza umukunzi we isabukuru y'amavuko

Nishimwe Naomie mu gituza cy'umukunzi we

Mu mujyi wa Dubai ni naho Miss Nishimwe Naomie yizihirije isabukuru ye y'amavuko

Nishimwe Naomie n'umukunzi we bagiye gusangirira ubunani i Dubai

Ubwo Miss Nishimwe Naomie yizihizaga isabukuru y'amavuko umukunzi we yamutembereje mu mazi y'i Dubai

Urukundo rugeze aharyoshye hagati ya Miss Nishimwe Naomie na na Michael Tesfay

Kuva inkuru y'urukundo rwabo yatangira kuvugwa inshuro nyinshi Miss Nishimwe Naomie na Michael Tesfay bakunze kugaragara bari kumwe

Miss Nishimwe Naomie na Michael Tesfay baritegura kwizihiza umwaka ushize bakundana

Isabukuru nziza ku wandemewe! amagambo aryohereye Miss Nishimwe Naomie yabwiye umukunzi we ku munsi w'amavuko

No mu birori bihuza imiryango,Miss Nishimwe Naomie aba yaherekejwe n'umukunzi we