00:00:00 IGIHE NETWORK KN KINYARWANDA EN ENGLISH FR FRANCAIS

Miss Rwanda: Umuhoza arifuza gushyiraho ikigega cy’abafite ubumuga basabiriza ku mihanda

Yanditswe na Uwiduhaye Theos
Kuya 23 February 2022 saa 07:58
Yasuwe :

Umukobwa witwa Umuhoza Emma Pascaline uri mu bahatanye muri Miss Rwanda, arajwe ishinga no guhangana n’ikibazo cy’abasabiriza bakiri benshi ku mihanda muri Kigali no hanze yayo.

Uyu mukobwa mu kiganiro yagiranye na IGIHE yavuze ko yagize iki gitekerezo nyuma yo kubona ko ari ikibazo gikomeye kandi cyashakirwa umuti.

Ati “Ni igitekerezo nagize kuva kera kuko birambabaza kubona abantu basabiriza ku mihanda by’umwihariko abafite ubumuga. Igitekerezo kirimo ni ugushyiraho ikigega cy’abantu basabiriza bafite ubumuga, bikunze hakabaho kubashyira mu bigo no gukora ubukangurambaga bushoboka bwose abasabiriza bafite ubumuga bakagabanuka mu mihanda.”

Uyu mukobwa avuga ko yatekereje gushyiraho iki kigega cy’abafite ubumuga kubera ko ushobora gufasha umuntu mu buryo bw’amafaranga uyu munsi ariko ejo akaba yayamaze. Ikindi avuga ni uko kugira ubumuga bitavuze ko umuntu atashaka umurimo akora akiteza imbere.

Atanga urugero rw’abantu barimo abahanzi nka Byumvuhore, Niyo Bosco n’abandi barimo Stevie Wonder babaye ibyamamare bakiteza imbere bagafasha n’abandi kandi bafite ubumuga.

Ati “Ikintu cya mbere nifuza gukora ni uguhindura imyumvire y’abafite ubumuga basabiriza, ikindi bamara kumva ko gusabiriza atari wo muti, nkabashyiriraho ikigega cyajya kibagoboka bakiteza imbere.”

Avuga ko ikindi kintu gikomeye azakora ari ukubashishikariza kugana mu mashuri bakiga.

Mu gushyira mu bikorwa uyu mushinga, Umuhoza ateganya gukorana n’ibigo bitandukanye bisanzwe bifasha abafite ubumuga n’izindi nzego.

Uyu mushinga azawutangirira muri Kigali kuko hari mu hari benshi basabiriza bafite ubumuga ubundi akomereza mu zindi ntara.

Umuhoza yavukiye mu Mujyi wa Kigali. Afite imyaka 19. Avuka mu bana batatu akaba ariwe mukobwa wenyine urimo ari na bucura.

Gutora no gushyigikira Umuhoza bisaba kwifashisha urubuga rwa IGIHE ukoresheje link ya https://igihe.com/miss-rwanda unakoresheje code ya *544*1* 53#

Gutora kuri internet no kuri code byose bisaba nibura 100 Frw. Ku batora kuri internet bakoresha nimero ya telefoni cyangwa ikarita yo kwishyuriraho ya banki.

Uyu mukobwa ashaka gushyiraho ikigega cy'abafite ubumuga
Umuhoza afite imyaka 19 y'amavuko. Ni bucura mu muryango w'abana batatu
Uyu mukobwa yari amaze igihe yifuza guhatana muri Miss Rwanda
Yifuza gushyiraho ikigega cyajya gifasha abantu bafite ubumuga bakunze kugaragara basabiriza
Uko waha amahirwe Umuhoza kugira ngo abashe kugera mu cyiciro gikurikiraho muri Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .