Miss Rwanda 2021: Mutesi Doreen yiyemeje kongera umubare w’ibiti mu Rwanda

Yanditswe na Nsengiyumva Emmy
Kuya 26 Gashyantare 2021 saa 10:17
Yasuwe :
0 0

Mutesi Doreen w’imyaka 19 uri mu bakobwa bahagarariye Intara y’Iburengerazuba mu irushanwa rya Miss Rwanda 2021, yahishuye ko umushinga we ari ukurimbisha u Rwanda anabungabunga ibinyabuzima binyuze mu kongera umubare w’ibiti mu gihugu.

Umushinga wo kongera ibiti mu Rwanda, Mutesi asanga wafasha mu kongera ubwiza bw’igihugu, kubungabunga ibinyabuzima byanafasha no gutanga akazi mu rubyiruko.

Ibi Mutesi yabivuze mu kiganiro yagiranye na IGIHE, aho yakomoje ku mushinga ‘Igiti project’ yiteguye gushyira mu ngiro natorerwa kuba Nyampinga w’u Rwanda muri uyu mwaka.

Ati “Ndamutse negukanye ikamba rya Miss Rwanda 2021, Abanyarwanda banyitegeho byinshi nzakora mbinyujije mu ‘Igiti Project’, umushinga ugamije guteza imbere igiti mu rwego rwo kongera ubwiza bw’igihugu no kubungabunga ibinyabuzima.”

Mutesi avuga ko uretse izi nyungu zirimo no kurimbisha igihugu, uyu mushinga we uzatanga akazi ku rubyiruko.

Mutesi winjiye mu irushanwa rya Miss Rwanda arangije amashuri yisumbuye, yize ibijyanye n’Icungamutungo.

Mutesi Doreen ufite nimero 20 nk’umubare bamutoreraho, uburyo bwo kumushyigikira ni ukujya ahandikirwa ubutumwa bugufi ‘sms’ ukandika ijambo Miss ugasiga akanya, ukandika 5 ukohereza kuri 1525.

Usibye ubu buryo, ushobora no kumushyigikira binyuze kuri IGIHE, ufungura aho gutorera ukareba ku rutonde rw’abari guhatana ukamuha ijwi.

Mutesi Doreen ufite nimero 20 nk’umubare bamutoreraho mu irushanwa rya Miss Rwanda 2021 /Ifoto: Muhizi Serge -IGIHE
Mutesi Doreen w’imyaka 19 ahagarariye Intara y’Iburengerazuba mu irushanwa rya Miss Rwanda 2021
Mutesi Doreen ahamya ko naramuka yegukanye ikamba rya Miss Rwanda 2021, azaharanira kongera umubare w'ibiti mu gihugu /Ifoto: Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .