Dusubize amaso inyuma: Ibyaranze ijonjora rya Miss Rwanda 2020 mu Ntara zitandukanye

Yanditswe na Nsengiyumva Emmy
Kuya 15 Mutarama 2020 saa 10:38
Yasuwe :
0 0

Irushanwa rya Miss Rwanda 2020 rigeze aharyoshye! Abakobwa 34 bazahagararira Intara zose bamaze kumenyekana mu gihe hagitegerejwe abazava mu Mujyi wa Kigali.

Guhera ku wa 21 Ukuboza 2019 nibwo iri rushanwa ryatangiriye i Burengerazuba, hatowe abakobwa batandatu muri 31 bari babashije kuhagera, 18 basezererwa kubera kutuzuza ibisabwa bibemerera guhatana mu gihe 13 aribo banyuze imbere y’akanama nkemurampaka.

Abakobwa batorewe guhagararira Intara y’Iburengerazuba barimo Akaliza Hope Uwamahoro Phoebe, Uwimana Joyeuse, Umutesi Denise, Umuratwa Anitha, Uwase Aisha.

Tariki 28 Ukuboza 2019 irushanwa ryakomereje mu Ntara y’Amajyaruguru ahatowe abakobwa batandatu bazayihagararira,mu gihe 23 aribo babashije kugera ahabereye irushanwa, ku ikubitiro icyenda barasezererwa mu gihe 14 aribo banyuze imbere y’akanama nkemurampaka.

Abatorewe guhagararira iyi ntara ni; Umubyeyi Natasha , Mukabashambo Phionah , Tumuhorane Blaise , Umuhoza Doreen , Urujeni Melissa , Mukangwije Rosine.
Intara y’Amajyepfo yabaye iya gatatu yashakishijwemo abakobwa bazayihagararira mu irushanwa rya Miss Rwanda, icyo gihe 28 nibo babashije kugera aho bahataniraga 11 bahita basezererwa ku ikubitiro.

Muri aba, 17 nibo babashije gutambuka imbere y’akanama nkemurampaka, barindwi baba aribo bahabwa amanota yatumye bahagararira iyi ntara.

Aba bakobwa bakomeje ni Imanishimwe Hope Joy , Umwariwase Claudette ,Igihozo Diane, Umutoniwase Nadia, Musana Teta Hense,Ingabire Jolie Ange ,Mumporeze Josiane.

Ku wa 11 Mutarama 2020 abategura Miss Rwanda bakomereje mu ntara y’Iburasirazuba bashakisha abakobwa bazayihagararira haboneka 15 muri 30 babashije kunyura imbere y’akanama nkemurampaka. Aha hari hageze 41 gusa 11 bahita basezererwa ku ikubitiro.

Abatowe ni Niheza Deborah, Ineza Charlene, Umwiza Phiona, Ingabire Rehema, Murangamirwa Ange, Nyinawumuntu Rwiririza Delice, Teta Ndenga Nicole, Ingabire Diane, Munezero Grace, Ingabire Denyse , Wihogora Phionnah, Kansime Deborah, Nikuze Icyeza Aline, Umutesi Nadege, Numukobwa Dalillah.

N’ubwo bose batagiye bagaragara ahabereye igikorwa kugeza ubu Iburasirazuba niho hari hariyandikishije abakobwa benshi cyane ko mbere y’uko irushanwa ritangira hari hategerejwe 90, Intara y’Amajyepfo yiyandikishirijemo abakobwa 79, mu Majyaruguru bari 75 mu gihe Uburengerazuba bari 50.

Ibisabwa umukobwa ngo abashe kwiyandikisha muri Miss Rwanda 2020

-  Kuba ari Umunyarwandakazi
-  Kuba afite imyaka hagati ya 18 na 24
-  Kuba yararangije amashuri yisumbuye
-  Kuba avuga neza Ikinyarwanda. (Kuba azi urundi rurimi rwiyongera ku rurimi kavukire mu zemewe n’amategeko mu Rwanda nabyo biremewe)
-  Kuba afite uburebure guhera kuri 1,70 m
-  Kuba afite BMI iri hagati ya 18.5 na 24.9
-  Kuba atarigeze abyara
-  Kuba yiteguye kuguma mu Rwanda byibuze mu gihe cy’umwaka nyuma yo gutorwa nka Nyampinga
-  Ntagomba gushyingirwa cyangwa gushinga urugo mu gihe akiri Nyampinga
-  Kuba yiteguye guhagararira u Rwanda ahantu hose n’igihe cyose abisabwe cyangwa biri ngombwa
-  Kuba yiteguye gukurikiza no kubahiriza amahame yose n’amabwiriza agenga ba Nyampinga

Abakobwa bose biyandikisha basabwa kuba bitwaje indangamuntu igaragaza umwirondoro wabo n’indangamanota cyangwa ikindi cyangombwa kigaragaza ko basoje amashuri yisumbuye.

Impinduka mu kanama nkemurampaka ko mu ijonjora rya Miss Rwanda 2020

Abanyamakuru Mike Karangwa, Evelyne Umurerwa na Miss Rwanda wa 2016 Mutesi Jolly batangiranye n’ijonjora ryo gushakisha umukobwa uzegukana ikamba rya Nyampinga w’u Rwanda 2020, aribo bagize akanama nkemurampaka.

Aba basimbuye akanama nkemurampaka kazengurutse Intara zose umwaka ushize mu ijonjora ryanyuze mu ntara zitandukanye z’u Rwanda n’Umujyi wa Kigali. Mutesi Jolly ni we wenyine wakagarutsemo.

Aka kanama nkemurampaka katanze amanota mu majonjora umwaka ushize kari kagizwe n’Umunyamakuru Michelle Iradukunda, Jolly Mutesi wabaye Nyampinga w’u Rwanda mu 2016 na Uwase Marie France.

Umurerwa Evelyne amaze imyaka isaga 20 mu mwuga w’itangazamakuru, ari mu batoye ba Nyampinga muri Kaminuza y’Imari n’Ubukungu (SFB) mu gihe Mike Karangwa na we afite ubunararibonye bw’imyaka 12 mu bijyanye n’amarushanwa y’ubwiza.

Aba bakobwa babanjirije abo mu mujyi wa Kigali bazatoranywa ku wa Gatandatu tariki 18 Mutarama 2020.

Nyuma yo kubona abazahagararira Umujyi wa Kigali muri iri rushanwa abazaba batowe bose bazongera guhurira muri “Présélection” irushanwa rizabahuza bose hagatoranywamo 20 bazajya mu mwiherero ari nabo bazatorwamo Nyampinga w’u Rwanda tariki 22 Gashyantare 2020.

Reba uko abakobwa batoranyijwe Iburengerazuba bitwaye imbere y’Akanama nkemurampaka

Reba uko abakobwa batoranyijwe mu Majyaruguru

Uku niko byari byifashe mu Majyepfo}

Mu ntara y’Uburasirazuba ubwitabire bwari hejuru

Abakobwa bazahagararira Intara y'Iburasirazuba
Abazahagararira Intara y'Amajyepfo muri Miss Rwanda 2020
Abazahagararira Intara y'Amajyaruguru
Abazahagararira Intara y'Uburengerazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza