00:00:00 IGIHE NETWORK KN KINYARWANDA EN ENGLISH FR FRANCAIS

Miss Jolly Mutesi yavuye mu Kanama Nkemurampaka ka Miss Rwanda 2021 ku munota wa nyuma

Yanditswe na Nsengiyumva Emmy
Kuya 20 Werurwe 2021 saa 05:06
Yasuwe :
0 0

Miss Jolly Mutesi yatangaje ko atari bugaragare mu Kanama Nkemurampaka gahitamo Nyampinga w’u Rwanda 2021 kuri uyu wa Gatandatu tariki 20 Werurwe 2021.

Miss Mutesi Jolly yatangaje aya makuru mu gihe habura amasaha make ngo hatangazwe umukobwa wegukanye ikamba rya Miss Rwanda 2021.

Aya makuru uyu mukobwa yayatangaje abinyujije ku rukuta rwe rwa Twitter.

Yagize ati “Nubwo tutari bubane uyu munsi nkuko byari biteganyijwe, ku bw’impamvu zitunguranye! Ndashaka kwifuriza amahirwe masa ba Nyampinga bacu, mutambuke gitore.”

Mu kiganiro kigufi Miss Mutesi Jolly yagiranye na IGIHE yahishuye ko mu minsi ishize yagize urugendo rutunguranye yerekeza i Dubai ku buryo byatumye irushanwa rigera ku munsi rigomba gusorezwaho ataragaruka.

Miss Jolly Mutesi mbere y’uko irushanwa ritangira yari yatangajwe nk’Umuyobozi w’Akanama Nkemurampaka ka Miss Rwanda 2021.

Uyu mukobwa avuze ko atari mu kanama nkemurampaka, mu gihe habura amasaha make ngo hatorwe Nyampinga w’u Rwanda 2021, usimbura Miss Nishimwe Naomie ufite ikamba rya 2020.

Ibirori byo gusoza irushanwa rya Miss Rwanda 2021 birabera ku Intare Conference Arena, biratambuka kuri KC2 na shene ya Youtube y’iri rushanwa.

Mu kiganiro n'abanyamakuru gitangiza irushanwa rya Miss Rwanda 2021, Miss Jolly Mutesi yatangajwe nk'uhagarariye Akanama Nkemurampaka
Mu ijonjora ry'ibanze rya Miss Rwanda 2021, Miss Jolly Mutesi yari akuriye Akanama Nkemurampaka
Muri Pre- Selection, Jolly Mutesi yafashaga Akanama Nkemurampaka mu gutanga 'Pass'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .