00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri w’Intebe yanyanyagije amafaranga mu bafana bitabiriye igitaramo cya Eddy Kenzo

Yanditswe na Mahoro Vainqueur
Kuya 13 Ugushyingo 2022 saa 03:46
Yasuwe :

Minisitiri w’Intebe wa Uganda, Robinah Nabbanja Awadde yakoze agashya mu gitaramo cy’iserukiramuco rizwi nka Eddy Kenzo Festival, ubwo yatangaga amafaranga ku bafana, ababyinnyi, na Eddy Kenzo wahawe miliyoni 5 z’amashilingi ya Uganda.

Ibi byabereye ahitwa Kololo Airstrip kuri uyu wa Gatandatu tariki 12 Ugushyingo 2022, mu igitaramo cyo kwizihiza amateka n’ibigwi bya Eddy Kenzo.

Cyaririmbyemo abahanzi batandukanye barimo Bruce Melodie, Harmonize, Jose Chameleone, Bebe Cool, Spice Diana n’abandi.

Muri iki gitaramo ubwo Eddy Kenzo yari ageze ku ndirimbo yitwa ’Enjoyment’, Robinah Nabbanja ari na we Minisitiri w’Intebe wa Uganda, mu byishimo byinshi yasanze uyu muhanzi ku rubyiniro amufasha kuyibyina.

Uyu muyobozi wanyuzagamo akabyina zimwe mu mbyino zigezweho, mu rwego rwo gusangira ibyishimo n’abandi bakunzi b’umuziki bari bitabiriye iki gitaramo, yagiye abaha amafaranga.

Indirimbo irangiye, Minisitiri w’Intebe Nabbanja yafashe umwanya ashimira umuhanzi Eddy Kenzo, amubwira ko atewe ishema n’ibikorwa bye n’uburyo akomeje kuzamura ibendera rya Uganda mu ruhando mpuzamahanga, akoresheje umuziki we.

Mu rwego rwo kumushimira ako kanya yahise amuha miliyoni 5 z’amashilingi ya Uganda, areba bamwe mu babyinnyi be nabo agira impano abagenera y’amafaranga ndetse abemerera ko bakomeza igitaramo kugeza saa cyenda z’igicuku.

Eddy Kenzo Festival ni Iserukiramuco ryateguwe n’umuhanzi Edrisah Musuuza ( Eddy Kenzo), akaba na nyiri sosiyete ifasha abahanzi ya Big Talent.

Iri serukiramuco ryateguwe mu rwego rwo kwizihiza ibigwi n’amateka by’uyu muhanzi wabaye uwa mbere mu karere ka Afurika y’Iburasirazuba mu begukanye igihembo muri BET Awards yabonye mu 2015, ndetse na Nickelodeon Kids’ Choice Award yatwaye mu 2018.

Eddy Kenzo avuga ko abahanzi bitabiriye iri serukiramuco nta n’umwe wamwatse inyishyu yo kuririmb, kuko bose basanzwe ari inshuti ze cyane.

Reba hano Minisitiri w’intebe wa Uganda Nabbanja Awadde abyina indirimbo ya Eddy Kenzo ari nako atanga amafaranga ku bafana

Minisitiri w’intebe yanyanyagije amafaranga mu bafana, aha Eddy Kenzo miliyoni 5 z’amashilingi ya Uganda
Jose Chameleone yashimiye Eddy Kenzo watekereje iki gikorwa
Harmonize yishimiwe cyane muri iki gitaramo cya Eddy Kenzo Festival
Bebe Cool yari yaje gushyigikira umuhanzi mugenzi we
Bruce Melodie yishimiwe cyane muri iki gitaramo yaririmbyemo indirimbo zirimo Katerina, Katapila n'Ikinya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .