00:00:00 IGIHE NETWORK KN KINYARWANDA EN ENGLISH FR FRANCAIS

Kenny Sol agiye gukorera ibitaramo bibiri i Burundi

Yanditswe na Mahoro Vainqueur
Kuya 22 Mutarama 2023 saa 03:54
Yasuwe :

Mbere yo kwerekeza i Burayi, umuhanzi Rusanganwa Norbert wamamaye nka Kenny Sol, yahereye i Burundi urugendo rw’ibitaramo azakorera hanze y’u Rwanda muri uyu mwaka 2023.

Kenny Sol ukunzwe na benshi i Burundi, nubwo atari ubwa mbere agiye muri iki gihugu, ni inshuro ya mbere agiye kuhataramira. Azahera mu mujyi wa Bujumbura ku wa 11 Gashyantare 2023 akomereze i Gitega ku wa 12 Gashyantare 2023.

Kenny Sol ni we muhanzi wa mbere uvuye mu Rwanda ugiye gutaramira i Gitega kuva yagirwa umurwa mukuru wa politiki w’iki gihugu.

Agiye i Burundi nyuma y’amezi ane akoranye indirimbo n’umuhanzi waho Double Jay bise ’Quality’, ikaba imwe mu zahuje abahanzi b’i Burundi nabo mu Rwanda zarebwe n’abantu barenga miliyoni imwe ku rubuga rwa YouTube.

Nyuma yo kuva i Burundi, uyu muhanzi uri mu bagezweho muri iki gihe azahita akomereza i Burayi, aho afite igitaramo tariki ya 4 Werurwe 2023 i Bruxelles.

Iki gitaramo cyateguwe na sosiyete ya ’Team Production’ azagihuriramo na Okkama, Bwiza na Dj Princess Flor.

‘Quality’ indirimbo yahuje Kenny Sol na Double Jay

Mbere yo kwerekeza i Burayi, Kenny Sol agiye gukorera ibitaramo bibiri i Burundi
Kenny Sol afite ibitaramo bibiri i Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .