Mbanda uri muri Miss Rwanda yiyemeje gukundisha abato ubwarimu

Yanditswe na Nsengiyumva Emmy
Kuya 2 Werurwe 2021 saa 09:12
Yasuwe :
0 0

Mbanda Godwin Esther uri mu bakobwa bari guhatanira ikamba rya Miss Rwanda 2021, yiyemeje ko naramuka yegukanye ikamba azakangurira urubyiruko kugana umwuga w’ubwarimu.

Iby’uyu mushinga we, Mbanda yabigarutseho mu kiganiro yagiranye na IGIHE ubwo yagarukaga ku byo atekereza Miss Rwanda izamumarira ndetse n’icyo Abanyarwanda bamwitegaho aramutse yegukanye ikamba.

Mbanda yagize ati “Nindamuka negukanye ikamba rya Miss Rwanda, ndashaka kuzashishikariza urubyiruko kujya mu burezi (abarimu) kuko ubushakashatsi nakoze bwanyeretse ko rutajya rwitabira aka kazi kandi gafitiye akamaro igihugu.”

Mbanda avuga ko urubyiruko nk’imbaraga z’igihugu, rukwiye kwinjira no mu burezi rugatanga umusanzu warwo mu kubaka ejo hazaza heza.

Uyu mushinga Mbanda ahamya ko azabasha kuwugeraho neza kandi byoroshye naramuka yegukanye ikamba rya Miss Rwanda, nk’urubuga ruha umwana w’umukobwa ijambo akagaragaza icyo ashoboye.

Uyu mukobwa si ubwa mbere agiye guhatana mu marushanwa y’ubwiza. Yavuze ko mu 2016 ubwo yigaga mu wa gatatu w’amashuri yisumbuye, yabaye Igisonga cya mbere cya Nyampinga ku ishuri ryisumbuye yizeho.

Mbanda Godwin Esther ni nimero 15 akaba umukobwa w’imyaka 18. Ni umwe mu bahagarariye Intara y’Uburasirazuba. Yarangije amashuri yisumbuye aho yize ibijyanye n’Amateka, Ubukungu n’Ubumenyi bw’Isi muri Nyamata High School.

Mbanda Godwin Esther afite umushinga wo gukangurira urubyiruko kwinjira mu bwarimu / Ifoto: Muhizi Serge -IGIHE
Si ubwa mbere yitabiriye amarushanwa y'ubwiza, ubwo yigaga mu wa gatatu w'amashuri yisumbuye yabaye Igisonga cya mbere cya Nyampinga w'aho yigaga/Ifoto:Miss Rwanda
Uburyo washyigikira Mbanda Godwin nimero 15 mu irushanwa rya Miss Rwanda 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .