Iki kigo cyamaze kwandikwa mu mu rwego rw’igihugu rushinzwe ipantati n’ibicuruzwa United States Patent and Trademark Office (USPTO).

Mu mpapuro zamaze kujya ahagaragara zigaragaza ko iki kigo cyanditse mu mazina ya Noth West.

Bimwe mu bizacuruzwa n’iki kigo birimo amavuta arinda uruhu kumagana, amavuta yo mu maso, ayo koroshya uruhu, ayo kujyana mu bwogero, ayo gusiga inzara, ayo mu musatsi, Shampoos ndetse n’ibikinisho by’abana.

Aya makuru agiye hanze nyuma y’iminsi mike uyu mukobwa yari amaze asangiza abarenga miliyoni 15 bamukurikira kuri Tik Tok amashusho ye ari gukoresha maquillage.

Kim Kardashian usanzwe afite sosiyete icuruza ibirungo maquillage yise SKKN by Kim, si ubwa mbere yandikishije ikigo cy’ubucuruzi mu mazina y’umwana we dore ko mu 2019 yandikishije ikigo nk'iki mu mazina y’umuhungu we Psalm West.

Habarurwa ibigo icyenda bicuruza ibikinisho by’abana, ibirungo by’ubwiza n'ibijyanye n'imideli biri mu mazina ya Chicago na Saint ku va muri Nyakanga 2022.

Umuryango w’aba Kardashian ukomeje kubyaza umusaruro ubwamamare bafite bakora ibikorwa bitandukanye bibinjiza mu bushabitsi.

Kylie Jenner nawe yatangiye guharura inzira izinjiza umukobwa we Stormi Webster w’imyaka 5 mu bijyanye n’ubushabitsi bikorwa binyuze mu kigo cy’ubucuruzi kimwanditseho cyiswe 'Stormi World'.

Kubera ko aba bana bakiri bato ibikorwa byabo bishyirwa mu biganza by'ababyeyi babo bakazabihabwa bujuje imyaka y’ubukure.