00:00:00 IGIHE NETWORK KN KINYARWANDA EN ENGLISH FR FRANCAIS

Kim Kardashian yasutse amarira ubwo yari abajijwe uko afatanya na Kanye West kurera abana

Yanditswe na Mahoro Vainqueur
Kuya 27 Ukuboza 2022 saa 01:25
Yasuwe :

Kimberly Noel Kardashian yasutse amarira ubwo yari abajijwe uko afatanya na Kanye West kurera abana bane babyaranye, nyuma yo gutandukana.

Kim Kardashian w’imyaka 42 ubwo yari mu kiganiro na Angie Martinez, yavuze ko gufatanya na Kanye West kurera abana ari ibintu bigoye cyane, ndetse bimubabaza cyane iyo arebye uko yarezwe n’uko abana be barerwa.

Kim Kardashian avugana ikiniga yagize ati "Nari mfite umubyeyi mwiza, sinshaka kugira amarangamutima kuri ibi, nanjye byambayeyeho umunsi umwe, biragoye kurera abana ufatanyije n’umuntu mutabana, biragoye cyane urabizi."

Kim Kardashian avuga ko akora ibishoboka byose akarinda abana be kumenya cyangwa kugira aho bahurira n’ibivugwa byose ku babyeyi babo, cyane cyane ibivugwa kuri Kanye West.

Yagize ati "Nkora ibishoboka byose nkarinda abana kugira ho bahurira n’ibivugwa kuri Se ndetse n’ibivugwa ku mubano wacu, no ku ishuri mfite inshuti yanjye y’umwarimu umfasha kubitaho."

Kim akomeza avuga ko n’iyo atwaye aba bana ku ishuri bagashaka kumva zimwe mu ndirimbo za Se abareka ndetse akagerageza kuririmbana nabo mu rwego rwo kugaragaza ko we na Kanye West babanye neza.

Gusa ibi bimushengura umutima iyo babamaze gutandukana, agasuka amarira yibaza amaherezo y’ibi bihe.

Kim Kardashian na we asa n’uwakuriye mu buzima nk’ubu, dore ko ababyeyi be Kris Jenner na Robert Kardashian batandukanye afite imyaka 10 gusa.

Kim Kardashian na Kanye batandukanye mu 2021 bafitanye abana bane aribo North, Saint, Chicago, na Psalm.

Aba babyeyi bombi mu Ugushyingo 2022 nibwo gatanya yabo yemejwe, Kanye West asabwa kujya atanga 200,000$ buri kwezi kuri Kim Kardashian nk’amafaranga yo kwita ku bana babyaranye.

Kim Kardashian na Kanye West bafitanye abana bane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .