00:00:00 IGIHE NETWORK KN KINYARWANDA EN ENGLISH FR FRANCAIS

Kanye West arashinjwa guhatira abakozi ba Adidas kureba amashusho y’urukozasoni ya Kim Kardashian

Yanditswe na Mahoro Vainqueur
Kuya 23 Ugushyingo 2022 saa 04:29
Yasuwe :

Umuraperi Kanye West (Ye) arashinjwa na bamwe mu bahoze ari abakozi ba Adidas kubakorera ihohotera, ubwo yabahatiraga kureba filime z’urukozasoni zirimo n’iza Kim Kardashian wahoze ari umugore we.

Ibi bigiye hanze nyuma y’uko Adidas ihagaritse amasezerano y’imikoranire na Kanye West kubera amagambo ye abiba urwango ndetse n’apfobya Jenoside yakorewe Abayahudi.

Aba bakozi bahoze bakora mu gice gitunganya imyambaro ya Yeezy, bavuze ko uyu muraperi w’imyaka 45 yaberetse amashusho ya Kim Kardashian nk’amayeri yo kubatera ubwoba no kuyobya imitekereze yabo igihe babaga bari mu kizamini cy’akazi.

Ibi bigaragara mu ibaruwa ifunguye ya bamwe mu bakozi batatangajwe amazina bandikiye Adidas, ikaba yaregeze mu biganza by’igitangazamakuru cya Rolling Stone.

Muri iyi baruwa hari umukozi uvuga ko ibi byamubayeho mu 2018 ubwo yari kumwe na Kanye West mu kizamini cy’akazi mbere yo kugira icyo amubaza amwereka telefone agira ati “Reba ibyo umugore wanjye anyoherereje.”

Icyo gihe ngo yamweretse amafoto ya Kim Kardashian yambaye ubusa.

Undi mukozi yavuze uburyo Kanye West yamweretse amashusho y’urukozasoni ya Kim Kardashian ubwo yari amaze kwaka gatanya mu 2021.

Izi nyandiko zose zikubiye mu ibaruwa mu yiswe “Ukuri kuri Yeezy’.

Hari abavuga ko Kanye West yibasiye cyane abakozi b’abakobwa n’abagore bakoraga muri Adidas.

Aba bakozi bakomeza bavuga ko ari kenshi bagiye baburira abayobozi ba Adidas ku myitwarire y’uyu muraperi ariko ntibabumve.

Ibi nanone bigaragara mugace gato k’amashusho y’iminota 30 uyu muraperi yashyize kuri YouTube mu Ukwakira amugaragaza yereka abayobozi ba Adidas filime z’urukozasoni.

Bivugwa ko Kanye West yakoraga ibi agamije kuyobya imitekerereze ya bamwe mu bayobozi ba Adidas , bigafatwa nk’ubutubuzi yabakoreye kugira ngo bemere gukorana nawe.

Kanye West arashinjwa guhatira abakozi ba Adidas kureba amashusho y’urukozasoni ya Kim Kardashian

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .