00:00:00 IGIHE NETWORK KN KINYARWANDA EN ENGLISH FR FRANCAIS

Kansiime Anne n’umugabo we batangiye gukora ibiganiro bigaruka ku buzima bwabo

Yanditswe na Mahoro Vainqueur
Kuya 19 Mutarama 2023 saa 09:28
Yasuwe :

Umunyarwenya Kansiime Kubiryaba Anne yatangije ibiganiro bibiri bica kuri televiziyo harimo icyo azahuriramo n’umugabo we Tukahirwa Abraham [Skylanta] bafitanye umwana bise Selassie Ataho.

Ibi ni ibiganiro bibiri birimo icyo yise ‘Take Me Back’ na ‘KanSeeMe’ byateguwe na MultiChoice Uganda.

‘KanSeeMe’ ni ikiganiro gicengera mu buzima n’ibihe bya Anne Kansiime, uko yinjiye mu mwuga wo gutera urwenya, uko yihanganiye gukomeza gukora ibi biganiro nyuma y’urupfu rw’ababyeyi be bombi, ndetse no kuvuka k’umwana we wa mbere, n’umubano we na Skylanta.

Mu gihe benshi betegerezanyije amatsiko ibikubiye mu gice cya kabiri cya ‘KanSeeMe’ uyu munyarwenya yabaye umuntu wa mbere muri Uganda utangije ikiganiro gica kuri televiziyo kigaruka ku buzima bwe bwa buri munsi.

Ikindi kiganiro azagaragaramo ni ‘Take Me Back’ kizibanda ku bintu bigamije gufasha abatandukanye n’abo bakundaga, gusana cyangwa kubyutsa umubano wabo wangiritse.

Iki kiganiro azagikorana na Collins Bareija Magezi (Emeka) bakunda kwita Romantic Mukiga.

Anne Kansiime avuga ko yishimiye gusangiza Isi ubuzima bwe binyuze mu kiganiro yise KanSeeMe.

Ati “Ku nkunga y’umuryango wanjye, twatangiye urugendo rwo kwirekura tukavuga ku buzima bwacu, ibyiza n’ibibi, duhura na byo kandi byari urugendo rutoroshye ariko rushimishije cyane kugira ngo dukora iki gitaramo turebe n’icyo bizatanga binyuze mu mashusho twafashe.”

"Nifuzaga gushimira MultiChoice Uganda ku bw’amahirwe yo kuvuga amateka yanjye nshize amanga binyuze kuri Pearl Magic Prime".

Ikiganiro yise ‘Take Me Back’ cyatangiye gutambuka ku itariki ya 8 Mutarama 2023, mu gihe Episode ya mbere y’ikiganiro yise ‘KanSeeMe’ yatangiye gutambuka kuri Pearl Magic Prime kuva ku wa 15 Mutarama 2023.

‘KanSeeMe’ ni kimwe mu bikomeje kugarukwaho cyane ku mbuga nkoranyambaga kizajya gitambuka buri cyumweru saa mbiri n’igice z’ijoro kuri Pearl Magic Prime.

Kansiime na Skylanta batangiye gukundana mu 2018 nyuma y’amezi 11 atandukanye na Gerald Ojok.

Ibihe bya Covid19 byatumye umubano ukura kurushaho dore ko bamaranye umwanya uhagije wavuyemo umwana w’umuhungu bise Selassie Ataho wavutse muri Mata 2021.

Ikiganiro gishya Kansiime agiye kujya akorana n’abarimo umugabo we

Uko byari byifashe mu muhango wo gutangiza iki kiganiro cy’urwenya

Skylanta yasabye Kansiime ko yamubera umugore muri Gicurasi 2021
Skylanta na Kansiime bishimiye gukora ikiganiro kigaruka ku buzima bwabo
Kansiime na Skylanta biteguye gusangiza Isi n'abakunda ubuzima bwabo n'ibihe banyuzemo nyuma yo kwibaruka imfura
Mu muhango wo gutangiza ibi biganiro Kansiime yari yaherekejwe n'umugabo ndetse n'umwana wabo
Byari ibyishimo kuri Kansiime ubwo yamurikaga umushinga we mushya
'Ka See Me'iki kiganiro kizibanda ku buzima bwa Kansiime n'uko abanye n'umugabo we Skylanta

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .