Umurerwa Evelyne, Miss Jolly Mutesi na Munyaneza James nibo batangajwe nk’abagize akanama nkemurampaka kazatangira kuzenguruka Intara zose gashakisha abakobwa bazahagararira Intara muri iri rushanwa.

Abagize akanama nkemurampaka bose nk’uko batangajwe n’abategura irushanwa rya Miss Rwanda, si bashya muri iri rushanwa kuko bose bagiye bakagaragaramo inshuro nyinshi.

Ubuyobozi bwa Miss Rwanda bwatangarije IGIHE ko aba ari bo bazafatanya gushakisha abakobwa bazahagararira Intara zose.

Miss Jolly Mutesi wongeye kugaragara mu kanama nkemurampaka ka Miss Rwanda, yabaye Nyampinga w’u Rwanda mu 2016 kuri ubu asigaye ari n’umuyobozi wungirije wa Miss East Africa, irushanwa riherutse kwegukanwa na Umunyana Shanitah.

Umurerwa Evelyne na we utagaragaye bwa mbere mu kanama nkemurampaka asanzwe ari umunyamakuru mu Kigo cy’Igihugu cy’Itangazamakuru (RBA).

Munyaneza James na we wongeye kugaruka mu kanama nkemurampaka, asanzwe ari Umunyamakuru ubifitemo uburambe, akaba akorera The New Times.

Jolly Mutesi amaze igihe mu kanama nkemurampaka ka Miss Rwanda

Munyaneza James usanzwe ari umunyamakuru wa The New Times nawe yagarutse mu kanama nkemurampaka ka Miss Rwanda

Umurerwa Evelyne wa RBA yongeye kugaragara mu kanama nkemurampaka ka Miss Rwanda2022

Munyaneza James (ubanza ibumoso), Jolly Mutesi (wo hagati) na Umurerwa Evelyne bakunze guhurira mu kanama nkemurampaka aha bari kumwe na Sherri Silver na Atome bafatanyije ku munsi wo gutanga ikamba rya Miss Rwanda 2020