Impano ya Cédric Buranga, umuhanzi mushya muri muzika nyarwanda

Yanditswe na Uwiduhaye Theos
Kuya 7 Ugushyingo 2020 saa 09:45
Yasuwe :
0 0

Patrick Rugira Maombi, usanzwe ari Umujyanama wa Jules Sentore yatangiye gufasha umuhanzi mushya witwa Cédric Buranga uri mu banyempano bo kwitegwa mu minsi iri imbere mu muziki nyarwanda.

Buranga ni umwe mu bahanzi batarakora ibihangano byinshi cyane ko kugeza uyu munsi amaze gukora indirimbo imwe yise ‘Bullet’, ari nayo yatumye yishimirwa n’umujyanama wa Jules Sentore agatangira kumufasha.

Patrick Rugira Maombi, Umujyanama wa Jules Sentore umufasha mu buryo bw’umuziki, yabwiye IGIHE ko yumvise ubuhanga bw’uyu musore agahitamo kumufasha kuko icyo ashaka mu bushobozi bwe ari uguteza imbere umuziki nyarwanda.

Ati “Ni umwana numvise afite impano niyemeza kumufasha, ntabwo turasinyana amasezerano, ariko ni umuhanzi nshaka ko amba hafi kuko ari unyempano kandi atejwe imbere yagera kure.”

Buranga uri gufashwa na Maombi, mu minsi iri imbere afite gahunda yo gukora umuziki mu buryo bwose bushoboka kuko awukunda. Intumbero ye ni ugukora umuziki wo ku rwego mpuzamahaga ku buryo azajya ahagararira u Rwanda.

Yavutse tariki 28 Nzeri 1998 mu Karere ka Rwamagana. Yasoreje amashuri yisumbuye muri Petit Seminaire St Kizito Zaza.

Indirimbo ye nshya yise ‘Bullet’ avuga ko ajya kuyihimba yashakaga kwerekana umuntu ukunda undi ku buryo yamwitangira.

Hari amakuru avuga Rugira afite gahunda yo gutangiza inzu ifasha abahanzi (label) izaba irimo Jules Sentore, Ruti Joel ndetse byaba byiza na Buranga akaba yasinyamo.

Iyi label itaramenyakana neza izina, izaba ifite ibyuma by’umuziki bitandukanye byifashishwa mu bitaramo ndetse inafite studio yayo bwite ikora amajwi n’amashusho y’indirimbo.

Iyi studio izajya yifashishwa n’abahanzi batandukanye barimo abakoreramo muri label yayo ndetse n’abandi basanzwe.

Reba indirimbo ya mbere ya Buranga

Cédric Buranga ni umuhanzi mushya ufite impano itangaje
Buranga amaze gukora indirimbo imwe kuva yatangira urugendo rwe rwa muzika
Patrick Rugira Maombi usanzwe ari Umujyanama wa Jules Sentore biravugwa ko agiye gutangiza inzu ifasha abahanzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .