00:00:00 IGIHE NETWORK KN KINYARWANDA EN ENGLISH FR FRANCAIS

Imbamutima z’abo mu muryango wa Miss Muheto nyuma yo kwegukana ikamba rya Nyampinga w’u Rwanda

Yanditswe na Mukahirwa Diane
Kuya 21 March 2022 saa 07:39
Yasuwe :

Umuryango wa Miss Muheto Nshuti Divine wasazwe n’ibyishimo nyuma y’uko umukobwa wabo yambitswe ikamba rya Nyampinga w’u Rwanda wa 2022 azamarana umwaka.

Mu rukerera rwo kuri iki Cyumweru nibwo Muheto w’imyaka 18 yahize abakobwa 19 bari bahanganiye ikamba rya Miss Rwanda.

Byari ibyishimo bidasanzwe ku muryango we, insuti, abo bakoranye ndetse n’abafana muri rusange nyuma yo gutangazwa nk’uwegukanye iri kamba.

Mu kiganiro na IGIHE abo mu muryango we bavuze ko banejejwe no kuba umukobwa wabo yambitswe ikamba nyuma y’urugendo rukomeye rwo kurihatanira yanyuzemo.

Se wabo wari witabiriye ibi birori byabereye ku Intare Conference Arena yavuze ko anejejwe no kuba umukobwa we atwaye ikamba kuko mbere yasaga n’utabyumva none abigezeho.

Ati “Biradushimishije cyane uyu ni umwana twafannye kuva atangira ntabwo twari tubyize ariko Imana irabikoze. Mbere byabanje kugorana kuko we ntabwo yabishakaga ariko dukomeza kumubwira ngo bikore bigera aho arabikora.”

“Mu minsi ya mbere byasaga nk’aho bigoranye ariko ubwoba bugenda bushira, bigeraho aratubwira ngo mundeke ndwane intambara yanjye ubu ngiye kubikora none koko abigezeho turashima Imana.”

Ibi abihuje na nyirasenge wavuze ko banezerewe cyane kuba umukobwa wabo yatwaye ikamba nyuma yo guhangana n’abandi bakobwa batoroshye mu bwiza.

Ati “Twanezerewe cyane kuko kubona ikamba mu bana bangana kuriya, basa kuriya mwabonye namwe ntabwo byoroshye ariko ni ibintu by’igiciro kandi byasabye ubuhanga, ubwenge n’ubushishozi.”

Usibye abo mu muryango we kandi Muyoboke Alex wari umuyobozi we mu Ishusho Ltd, yavuze ko Abanyarwanda bakoze igikwiriye.

Ati “Abanyarwanda bazi ubwenge barabirebaga kuva ku munsi wa mbere, ubu ndishimye cyane, uriya mwana afite icyo avuze ku bakobwa b’Abanyarwanda bose bagire icyizere.”

Muheto yatoranyijwe nk’uhiga abandi 19 uburanga, ubwenge n’umuco. Yabaye Nyampinga wa 12 watowe mu mateka y’iri rushanwa ku butaka bw’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .