Ijoro rya mbere mu mwiherero ku bakobwa bari muri Miss Rwanda (Amafoto)

Yanditswe na Nsengiyumva Emmy
Kuya 10 Gashyantare 2020 saa 12:46
Yasuwe :
0 0

Ku Cyumweru tariki 9 Gashyantare 2020 nibwo habaye ikiganiro n’abanyamakuru ubuyobozi bwa Miss Rwanda buganiriza abakobwa imbere y’ababyeyi babo ibijyanye na gahunda z’umwiherero bahise batangira ku mugoroba w’uwo munsi.

Bakijya mu mwiherero mbere yo kwinjira muri Hotel bahitiye ku bitaro bya “Ubuzima Polyclinic” biherereye ku Kimironko mu Mujyi wa Kigali bajya gusuzumwa ubuzima bwabo mu rwego rwo kureba uko buhagaze.

Nyuma berekeje i Nyamata muri Golden Tulip Hotel aho bagomba gukorera umwiherero w’ibyumweru bibiri uzarangira habonetse Nyampinga w’u Rwanda w’umwaka wa 2020.

Bakigera mu mwiherero abakobwa bakiranywe urugwiro, berekwa ibyumba bagomba kuraramo ndetse bahabwa imyambaro ya siporo bazifashisha mu mwiherero.

Muri uyu mwiherero abakobwa bazagenda bahabwa imikoro izanabahesha amanota ku buryo icumi bazitwara neza bazatangazwa ku munsi wa nyuma w’irushanwa ndetse bakaba aribo bahatanira ikamba rya Miss Rwanda ndetse n’ibisonga bye.

Usibye iyi mikoro ariko kandi abakobwa bazakomeza gutorwa kuri uyu wa Kabiri tariki 11 Gashyantare 2020 guhera saa moya z’umugoroba aho bazatorerwa kuri nimero bari basanganywe.

Abakobwa bazatorwa binyuze kuri IGIHE.COM ndetse no mu buryo bwa SMS aho wandika ijambo Miss ugasiga akanya ugashyiraho nimero y’umukobwa ushyigikiye ukohereza kuri 1525.

Abakobwa bari muri Miss Rwanda uko ari 20 mu gitondo cyo kuri uyu wa Mbere tariki 10 Gashyantare 2020 ntabwo bakoze siporo nk’uko bisanzwe, bahawe akaruhuko.

Nyuma yo kubyuka bagafata amafunguro ya mu gitondo abari mu mwiherero bagiranye ibiganiro n’abayobozi bavuye muri Minisiteri y’Urubyiruko n’Umuco babimburiye abanda bashyitsi bose bazabasura mu mwiherero.

Abakobwa ubwo biteguraga kujya mu mwiherero
Mu modoka berekeza mu mwiherero bari bafite akanyamuneza ku maso
Aha bari kwa muganga bategereje guhabwa serivisi
Baganiriye na muganga
Abakobwa bujurijwe imyirondoro mbere yo gusuzumwa
Bagiriwe inama zinyuranye z'ubuzima
Bagiye kumufata amaraso ngo asuzumwe
Barasuzumwa indwara zinyuranye hifashishijwe imashini zikomeye
Bageze kuri Hotel Golden Tulip
Bakiranywe urugwiro batombora ibyumba banahabwa icyo kunywa
Bahawe ibikoresho bya siporo
Babiri babiri bazabana mu cyumba
Mu gitondo bafashe ifunguro mbere yo gutangira umunsi wa kabiri w'umwiherero
Ubuzima ni bwiza muri Golden Tulip ahari kubera umwiherero wa Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .