Mu butumwa bw’Umujyi wa Kigali bwashyizwe hanze na sosiyete icuruza amatike ya Ticqet, bwamenyesheje abari baguze amatike ko iki gitaramo cyasubitswe, bunabamenyesha ko hagiye gutegurwa uburyo bwo kubasubiza amafaranga cyangwa ababishaka bakazayakoresha ku munsi mushya iki gitaramo kizaberaho.

Muri ubwo butumwa bagize bati “Hateganyijwe uburyo abafite amatike bazasubizwa amafaranga bishyuye cyangwa bagakoresha amatike basanganywe mu gihe igitaramo kizaba cyamaze gushyirwaho undi munsi. Itariki kizaberaho ndetse n’andi makuru ajyanye n’uburyo bwo gusubizwa amafaranga cyangwa gukoresha amatike asanzwe, bizatangazwa mu gihe gikwiye.”

Iki gitaramo cyari cyatumiwemo Itorero Inyamibwa, Ishyaka z’Intore n’Indatirwabahizi, ndetse n’abahanzi barimo Massamba Intore, Muyango, Cyusa na Teta Diana.

Uretse aba bahanzi bari batumiwe gususurutsa abazitabira iki gitaramo, cyanatumiwemo Cécile Kayirebwa, mu rwego rwo kuzirikana uruhare yagize mu iterambere ry’umuziki Nyarwanda.

Igitaramo ‘Kigali Dutarame’ cyari gitegerehwe ku wa 3 Ukwakira 2026 cyasubitswe