Ibyishimo bya Uwimana wongeye kwitabira Miss Rwanda nyuma yo kuvamo umwaka ushize azize indeshyo

Yanditswe na Nsengiyumva Emmy
Kuya 25 Gashyantare 2021 saa 10:26
Yasuwe :
0 0

Kuva irushanwa rya Miss Rwanda mu 2021 ritangiye, hanatangajwe impinduka zitandukanye, zirimo ikurwaho rya bimwe mu byagenderwagaho mu kureba umukobwa wemerwe kwitabira, nk’uburebure, ibiro n’ibindi.

Uwimana Clementine wari witabiriye iri rushanwa mu 2020, nyuma yo kutabasha kurenga umutaru kuko atari agejeje ku burebure nkenerwa, ni umwe mu bari kwicinya icyara kuko imbogamizi yahuye nazo zakuweho.

Uyu mukobwa uri muri 37 bari guhatanira imyanya 20 y’abazajya mu mwiherero wa Miss Rwanda uyu mwaka, yabwiye IGIHE ko yishimiye kongera kwitabira iri rushanwa kuko yari yamenye ko imbogamizi yahuye nazo ubushize zakuweho.

Ati “Mu 2020 nitabiriye irushanwa rya Miss Rwanda sinabasha gukomeza kubera ko bimwe mu byo basabaga ntari mbyujuje, mu 2021 impamvu niyamamaje ni uko ibyasabwaga ntari nujuje birimo uburebure byakuweho.”

Uwimana avuga ko iwabo bakiriye neza kuba yarongeye kwitabira irushanwa rya Miss Rwanda atari yahiriwemo.

Ubusanzwe umukobwa witabiraga irushanwa rya Miss Rwanda yasabwaga kuba afite metero 1,70; Uwimana ntiyabashije kugira iyo ndeshyo.

Ni irushanwa ryamuteye ubwoba cyane mu ntangiriro, bituma adakurikirana amashusho yatambutse kuri televiziyo ndetse n’ikiganiro cyatangarijwemo 37 bakomeje, yagikurikiranye igice.

Uyu mukobwa afata Miss Rwanda nk’urubuga rushyigikira umwana w’umukobwa gushyira inzozi ze mu bikorwa, bikanamufasha kwigira no kugira abandi binyuze mu mushinga we.

Ati “Ndamutse negukanye ikamba byamfasha gushyira mu bikorwa umushinga wanjye mu buryo bwihuse, nifuza gukangurira urubyiruko kwizigamira mu matsinda, by’umwihariko abakiri mu mashuri.”

Gushyigikira Uwimana Clementine, ni ukujya ahandikirwa ubutumwa bugufi ‘sms’ ukandika ijambo ‘Miss’ ugasiga akanya ukandika ‘37’ ukohereza kuri 1525.

Ushobora ariko kandi kunyura kuri IGIHE ukareba ku rutonde rw’abari guhatanira ikamba, ugakanda ku izina rye ukaba umuhaye amahirwe.

Uwimana Clementine yishimiye ko impinduka zabaye muri Miss Rwanda zamuhesheje amahirwe yo kubasha kwitabira iri rushanwa
Uwimana ufite nimero 37, avuga ko aramutse yegukanye ikamba rya Miss Rwanda yashishikariza urubyiruko kwizigamira / Ifoto: Miss Rwanda
Uwimana ari mu bakobwa bishimiye impinduka zabaye muri Miss Rwanda uyu mwaka / Ifoto: Muhizi Serge - IGIHE
Uwimana (wambaye umweru) yitabiriye irushanwa rya Miss Rwanda mu 2020 ntiyabasha kurenga umutaru kubera ibipimo atari agwije / Ifoto: IGIHE

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .