Iby’inkota yavuze ko zikoreshwa muri Miss Rwanda bigateza impaka - Uwamariya yabisobanuye byose

Yanditswe na Nsengiyumva Emmy
Kuya 10 Mutarama 2020 saa 11:38
Yasuwe :
0 0

Irushanwa rya Nyampinga w’u Rwanda ntiritana n’udushya! Muri Miss Rwanda ya 2019 impaka zabaye nyinshi nyuma y’aho umwe mu bari mu Kanama Nkemurampaka yumvikanye avuga ko abakobwa bayitabira haba harimo n’abatabasha gusoma ku nkota zabo.

Iyi mvugo ya Uwamariya Angelique yagarutsweho cyane n’abarimo n’abakoresha imbuga nkoranyambaga, bibaza kuri iri rushanwa.

Uyu mubyeyi usanzwe ukurikiranira hafi irushanwa rya Miss Rwanda yabaye umwe mu ba bagize Akanama Nkemurampaka mu mwaka wa 2017 n’uwa 2019.

Mu kiganiro yagiranye na IGIHE yasobanuye iby’inkota yavuze ko ikoreshwa mu irushanwa bigaca igikuba ku mbuga nkoranyambaga.

Yagize ati “Birasekeje, abana bari muri Miss barategurwa barigishwa, bahabwa ibyo bazaganiraho mu gihe cy’amajonjora, bashobora kwandika utwo bazifashisha kandi mu irushanwa biremewe kwifashisha iyi nyandiko.”

Uwamariya yavuze ko yashakaga kuvuga uburyo hari abakobwa bananirwa no kureba ku byo banditse mu gihe baba bigishwa.

Yasobanuye ko amagambo yakoresheje yashakaga kuyifashisha mu gusubiza abantu badafite aho bahuriye n’irushanwa.

Yakomeje ati ”Nasubizaga abantu bareba umuntu ubwiza bagatekereza ko aribwo bwagatumye aba Nyampinga w’u Rwanda.”

Yavuze ko irushanwa rya Miss Rwanda abaritegura bagerageza kurikora neza cyane ko bikoranwa ubushake nta yindi nyungu baba bategerejemo.

Uwamariya yahakanye ibyavuzwe ko yirukanywe mu bagize Akanama Nkemurampaka ka Miss Rwanda nyuma yuko yari amaze kuvuga iby’uko muri iri rushanwa hakoreshwa inkota.

Nk’umwe mu bakurikiranira hafi irushanwa ritoranyirizwamo umukobwa uhiga abandi mu bwenge, umuco n’ubwiza yitabirije ijonjora ryabereye mu Karere ka Huye ahatoranyirijwe abakobwa barindwi bazahagararira Intara y’Amajyepfo muri Miss Rwanda 2020.

Yashimangiye ko irushanwa ry’uyu mwaka riteguye neza cyane kandi rifitiye akamaro Abanyarwanda.

Ati “Bazabanze babaze abana b’abakobwa biyamamaza, bazarebe abaturuka he na he bajya kwiyamamaza. Ni nkuko tureba Football, Basketball buri wese agira ikintu kimushimisha. Umuntu utekereza ko irushanwa ntacyo rimaze aba afite ikibazo cyo kwikunda.”

Mu busesenguzi bwe yatanze impamvu ebyiri abona ziza ku isonga mu bituma abakobwa baturuka i Kigali bakajya kwiyamamariza mu ntara.

Icya mbere yavuze ko biterwa nuko hari benshi batuye mu Mujyi wa Kigali ariko basanzwe bakomoka mu ntara baba bashaka kwiyamamarizamo nk’ahantu bavukiye kandi usanga babifitiye uburenganzira.

Icya kabiri ngo ni uko hari abantu batarumva neza Miss Rwanda, bityo aho kugira ngo intara ibure abayiserukira kandi hari abakabaye babona ayo mahirwe hatitawe ku ho baturutse ntacyabuza uwavuye i Kigali kuhiyamamariza.

Reba ikiganiro kirambuye na Uwamariya Angelique wabaye mu Kanama Nkemurampaka muri Miss Rwanda

Uwamariya Angelique yigeze kuba mu Kanama Nkemurampaka ka Miss Rwanda mu myaka yatambutse
Uwamariya yasobanuye ibyerekeye amagambo yavuze ko abakobwa bakoresha inkota muri Miss Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .