Hamisa Mobeto yumvikanye aganira n’umupfumu bashaka kuroga Diamond

Yanditswe na Munyengabe Murungi Sabin
Kuya 6 Nzeri 2018 saa 09:22
Yasuwe :
0 0

Impaka n’umwiryane byongeye kugira ubukana hagati ya Hamisa Mobeto n’umuryango wa Diamond biturutse ku majwi yumvikanamo uyu mukobwa aganira n’umupfumu banoza umugambi wo gucurika umutima uyu muhanzi.

Mu ntangiriro z’iki cyumweru ku mbuga nkoranyambaga muri Tanzania hakwirakwijwe amajwi y’ikiganiro bikekwa ko ari icyo Hamisa Mobeto yagiranye n’umugabo usanzwe ari umupfumu bemeranya uburyo bazaroga Diamond n’umuryango we.

Aya majwi akijya ku mbuga za WhatsApp na YouTube, hazamutse ibitekerezo byinshi biyamagana aho abenshi bavugaga ko ijwi atari irya Hamisa Mobeto abandi bakavuga ko ‘ari nyina wa Diamond na mushiki we’ bacuze uyu mugambi mu buryo bwo kwanduza izina ry’uyu mukobwa.

Muri iki kiganiro, hari aho uyu mukobwa bishimangirwa ko ari Hamisa Mobeto yumvikana abwira umupfumu uburyo abangamiwe bikomeye na nyina wa Diamond ndetse na mushiki we Esma Platnumz.

Ubundi, Hamisa Mobeto abwira uyu mupfumu ko ashaka kwigarurira umutima wa Diamond kugeza ubwo yamusaba kumugurira inzu akabyemera ariko ko ‘hari imbogamizi za Mama Diamond na Esma bamwanga urunuka’ batanamwifuza mu muryango wabo.

Muri aya majwi, umukobwa akomeza asaba umupfumu ko yamufasha gucurika imitima ya nyina wa Diamond na mushiki we kugira ngo bizamworohere kwigarurira uyu muhanzi babyaranye.

Mu kiganiro Refresh gica kuri Wasafi TV, Diamond yashimangiye ko amajwi ari aya Hamisa Mobeto bidashidikanywaho. Yavuze ko amaze kumva neza ikiganiro cyabaye hagati y’uyu mukobwa n’umupfumu yasanze ijwi ari irya Hamisa Mobeto ndetse ko na we yamuhamagaye akabimubwira.

Yongeyeho ati “Iyo ujyanye mama n’umuryango wanjye ku mupfumu, ibi bivuze ko utajijinganya kwica mama kugira ngo nkugurire inzu. Amajwi ari gukwirakwizwa ku mbuga nkoranyambaga arizewe, nanjye ayo majwi ndayafite, nayumvise.”

Yakomeje avuga ko “Nyuma yo kuyumva nahise nemeza ko ari Hamisa kandi namubwiye ko ari ijwi rye. Abantu bari kugerageza guhisha ukuri bakavuga ko ahubwo ari mama na mushiki wanjye babikoze, ariko ntabwo ari bo. Hamisa Mobeto wohereza abantu gutuka mama na mushiki wanjye. Ubwanjye nakubonye wohereza abantu kujya guharabika abandi…”

Diamond yavuze ko atiyumvisha uburyo Hamisa Mobeto ahitamo kujya mu bapfumu asaba ko ‘baroga Diamond’ nk’aho atakabakoresheje kugira ngo bamufashe kuzamura ibyo akora.

Hamisa Mobeto ntaragira icyo avuga kuri aya majwi bamushinja

Ati “Ibyo uri gukora ntabwo ari byo. Nk’aho utakagiye ku mupfumu umusaba ko agushyigikira ahubwo wowe urashaka uburozi bwatumwa nkugira umugore…”

Ibi bisakajwe nyuma y’iminsi mike Hamisa Mobeto ahishuye ko yangiye abagabo batagira ingano bifuzaga ko ababera umugore ndetse akavuga ko bimushobokeye yazibanira na Diamond nubwo nta gitutu kimuriho.

Diamond uherutse gushyiraho imisatsi mishya yavuze ko yababajwe no kumva Hamisa Mobeto amujyana mu bapfumu
Diamond yari amaze iminsi mike yubuye umubano na Hamisa Mobeto
Diamond yari aherutse gusaba umubyeyi we ko akwiye gukunda umwana yabyaranye na Mobeto nk'abandi buzukuru be

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza