00:00:00 IGIHE NETWORK KN KINYARWANDA EN ENGLISH FR FRANCAIS

Ciney yagarutse mu muziki, ahishura inkuru mpimbano yamuvuzweho (Video)

Yanditswe na Uwiduhaye Theos
Kuya 24 Nyakanga 2021 saa 08:15
Yasuwe :
0 0

Umuraperikazi Uwimana Aïsha wamenyekanye nka Ciney, yahishuye ko yigeze kugirana ibibazo n’umuntu akaza kumuhimisha inkuru yanditse avuga ko atwite kandi atari byo.

Uyu muhanzikazi yabivuze mu kiganiro yagiranye na IGIHE ubwo yabazwaga zimwe mu nkuru zamuvuzweho agatungurwa.

Yavuze ko kera akiri umukobwa, hari umuntu yigeze kwanga ko amubera umujyanama undi mu kumwihimuraho amwandikaho inkuru yatumye abantu benshi bakangarana kuko yavuze ko atwite.

Ati “Hari umuntu wigeze kunyandikaho ngo ndatwite bitewe n’uko nanze ko ambera umujyanama [...] Naje kuva mu gihugu ndagenda aravuga ngo nagiye kuyikoramo. Ariyizi. Babivuze kuri radiyo. Mama wanjye yaravuze ngo n’umuntu utwite ntabizi. Ndamubwira nti iyi ni yo si tubamo.”

“Nkeka ko iyo tuba tutabana yari kugira amakenga. Abandi bo mu muryango n’inshuti ngira ngo bari babimenyereye. Byaravuzwe cyane, abantu banjye ba hafi bakajya babinyoherereza.”

Uyu muhanzikazi uretse kuba yari amaze iminsi adakora umuziki, yari ari mu bindi bijyanye n’ubushabitsi.

Ati “Nizera ko buri kintu cyose ushaka gukora uba ugomba kugishyiramo imbaraga. Nsigaye nkora ibijyanye na ‘Rebranding na Customizing’ ku myenda. Natangije icyitwa ‘Extra Design’ ari naho nkorera ibi bikorwa.”

Ciney yamamaye mu ndirimbo nyinshi zirimo ‘Nkunda’, ‘Tuma Bavuga’, ‘Salama’, ‘Igire (Get Your Money)’, ‘Ngwino Nkwereke’ ari kumwe na Lil P, ‘Ndabaga’ n’izindi.

Ni we mukuru mu muryango w’abana batanu barimo abakobwa batatu n’abahungu babiri. Yavukiye i Libreville muri Gabon ku wa 5 Nyakanga 1992. Umuryango we waje kuba mu Rwanda afite imyaka itatu. Yatangiye kuririmba mu 2010 mu njyana ya Hip Hop ivanzemo iya Kinyafurika.

Kuri ubu arubatse afite umugabo n’abana babiri b’abakobwa, yibarutse imfura ye ku wa 16 Ukwakira 2018, yibaruka ubuheta bwe mu ntangiro za Ukuboza 2019.

Ciney yashyize hanze indirimbo nshya yise ‘For me’ yahimbiye abantu bashaka kwishimisha yo kubyina. Uyu muhanzikazi avuga ko agiye gukora indirimbo nyinshi ku buryo abakunzi be batazongera kumubura mu kibuga cy’umuziki. Yaherukaga gushyira hanze indirimbo mu 2018 ubwo yakoraga iyo yise ‘Mr Lover’.

Ciney yagarutse mu muziki ahishura iby’ishavu yagize kubera uwamubeshye ko atwite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .