Mu ijoro ryo ku wa 20 Gicurasi 2026, mu Amahoro Lounge iherereye muri Stade Amahoro, habereye ibirori byo kumva EP nshya ya Mike Kayihura yise ‘Intwaza’, byitabiriwe n’abarimo Bien Aimé ugezweho mu muziki muri Afurika y’Iburasirazuba.
Bien Aimé na Mike Kayihura basanzwe ari inshuti, ndetse bahamya ko bafitanye imishinga n’ubwo itarasohoka.
Uretse Bien Aimé abandi bahanzi bafite amazina bitabiriye ibi birori barimo Kivumbi, Bushali, B-Threy, Angell Mutoni, Ariel Wayz na Andy Bumuntu.
Uretse ibyamamare n’abo mu muryango wa Mike Kayihura, ibi birori byanitabiriwe n’Umuvugizi wa Guverinoma y’u Rwanda, Yolande Makolo.
Mike Kayihura yaririmbye mu buryo bwa ‘live’ indirimbo zigize iyi EP zirimo ‘Come on’,‘You & me’, ‘Block D’, ‘True story’, ‘Inkuba’ na ‘No body’. Yafatanyije ku rubyiniro n’abarimo Boukuru na Trizzie 96.
Mu kiganiro n’abanyamakuru nyuma y’ibi birori, Mike Kayihura yashimiye abitabiriye ibi birori, yemeza ko ari iby’agaciro nk’umuhanzi gutumira abantu bakakwitaba.
Ati “Ndi kumva nishimye, biba ari iby’agaciro gutumira abantu bakakwitaba, birampa icyizere ko n’ibindi bizaza mfite abantu bazanshyigikira.”
Mike Kayihura yongeye gusohora indirimbo nyuma y’imyaka ine ameze nk’utari mu muziki kubera ibibazo yagiranye n’abo bakoranaga mu myaka yashize bamusinyishije amasezerano, akaza kuzamo ibibazo.
Uretse kumurika iyi EP, Mike Kayihura yavuze ko we n’ikipe bakorana bari gutekereza no kuba bategura igitaramo cyagutse nubwo yirinze kwemeza igihe kizabera.
Buri muntu witabiriye iki gitaramo yari yagenewe aho agomba gusiga ubutumwa bwe kuri Mike KayihuraUmunyamakuru wa RBA, Abera Martina ni umwe mu bitabiriye ibi biroriUmuvugizi wa Guverinoma, Yolande Makolo yatumiwe muri ibi birori bya Mike KayihuraUmutoniwase Anastasie wamamaye muri Miss Rwanda, ubwo yandikaga ubutumwa yageneye Mike KayihuraUmunyamakuru wa Kiss FM, Antoinette Niyongira mbere yo kwinjira ahabereye ibi birori yabanje gufata ifoto y'urwibutsoAmalon yitabiriye ibi birori ari kumwe na Eazy Cuts uzwi cyane mu gukora amashusho y'indirimbo z'abahanzi banyuranyePromesse Kamanda ukora akazi ko gufotora, mbere yo kwinjira nawe yabanje gufata ifoto y'urwibutsoShemi na Kid From Kigali bari bitabiriye ibirori byo kumva EP ya Mike KayihuraBushali yitabiriye ibi birori ari kumwe n'inshuti zeTiti Brown na General Benda bamamaye mu kubyina ubwo bari bageze ahabereye ibi biroriUmunyarwenya Fally Merci yitabiriye ibi birori yambaye imyenda ya PSGAriel Wayz yari yagiye gushyigikira Mike KayihuraUmunyarwenya Rusine n'umugore we ni uku bahingutse mu 'Amahoro Lounge'Antoinette Niyongira yagaragazaga akanyamuneza mu maso ubwo yumvaga EP ya Mike KayihuraMike Kayihura yaririmbye mu buryo bwa 'Live' indirimbo zose zigize EP ye nshyaBien Aimé na Kivumbi King bari mu bari bitabiriye ibi biroriBushali nawe byaramurenze afata amashusho y'urwibutsoTrizzie 96 ni umwe mu bahanzi babiri gusa Mike Kayihura yifashishije kuri EP ye nshyaBoukuru yafashije Mike Kayihura kuri EP ye nshya ndetse banaririmbanye ku rubyiniroBoukuru na Christelle Kabagire bafatanye ifoto y'urwibutso
Ibitekerezo 0