Uyu musore w’imyaka 21 yafatanyije n’abaririmbyi batandukanye bo muri Uganda barimo Winnie Mwagi, Pastor Wilson Bugembe, Catavybz & Lauwyne, n’abandi.

Afrique yagiye ku rubyiniro ahagana saa yine z’ijoro aririmba zimwe mu ndirimbo ze zitandukanye yakoze, ageze ku iyitwa ‘Agatunda’ abitabiriye igitaramo bamugaragariza urukundo, batangira kuririmbana na we.

Iki gitaramo cyayobowe n’umunyarwenya Alex Muhangi cyabareye i Mbarara mu mbuga ya University INN, cyahuriyemo abanyarwenya batandukanye barimo Teacher Mpamire, Sammie & Mc Shawa, Stuart & Bruno, Kalela Daniel Comedian, n’abandi.

‘Comedy store’ ni igitaramo cy’urwenya kimaze kubaka izina rikomeye mu myidagaduro muri Uganda, gitegurwa na Alex Muhangi kuva muri Gashyantare 2016.

Ni igitaramo ngarukacyumweru kizwiho guhuza abanyarwenya n’abanyamuziki batandukanye, yaba abo muri Uganda no hanze yayo.