Platini yasubije abamushinje kuryamana na Shaddyboo i Dubai mu ifatwa ry’amashusho y’indirimbo ye nshya

Yanditswe na Nsengiyumva Emmy
Kuya 23 Mutarama 2021 saa 05:19
Yasuwe :
0 0

Nemeye Platini yashyize hanze amashusho y’indirimbo ye nshya yise “Helena” yafatiwe amashusho i Dubai, agaragaramo Shaddyboo byavuzwe ko ubwo bari kumwe icyo gihe bitari iby’umuziki gusa ahubwo byaba byaranageze mu bikorwa by’ishimishamubiri.

Platini yatangaje ko ubwo yavaga i Dubai gufata amashusho y’iyo ndirimbo, hari abantu benshi barimo n’inshuti ze batangiye kujya bamubwira ko ashobora kuba atari yajyanywe no gukora indirimbo gusa ahubwo hashobora kuba hari ikindi kibyihishe inyuma.

Indirimbo ya Platini igaragaramo Shaddyboo, bombi baba bagaragara nk’abaryohewe n’urukundo, aho uyu musore aba ashima umukobwa ko ari mwiza, ko afite umubiri umukurura.

Ikoze mu ndimi zirimo Igifaransa, Ikinyarwanda n’Ilingala.

Platini ubwo yageraga i Kigali, hari abanyamakuru n’inshuti ze ngo bamubwiye ko ashobora kuba yararyamanye n’uyu mugore gusa ngo bari bajyanywe n’akazi nta gahunda z’urukundo.

Mu kiganiro na IGIHE, Platini yagize ati “Benshi mu nshuti zanjye bakunda kubimbaza hari n’abanyamakuru babimbajije, gusa nk’uko nkunda kubibwira abo tubiganira, si ibintu nshobora kwanga aramutse abinyemereye, ahubwo ni uko nta mahirwe yabyo nigeze ngira kuko twari turi mu kazi.”

Platini yavuze ko Shaddyboo ari umugore mwiza, ku buryo nta bushobozi yagira bwo kwanga ko bagirana umubano uwo ariwo wose mu gihe baba babyemeranyije.

Indirimbo ‘Helena’ Platini yifashishijemo Shaddyboo ibaye iya kabiri asohoye mu zo yafatiye amashusho i Dubai, aho yakoreye urugendo muri Werurwe 2020. Iya mbere ni iyo yise ‘Atansiyo’ imaze iminsi ica ibintu.

Iyi ndirimbo ibaye iya mbere asohoye mu 2021, umwaka avuga ko yitezemo gukora cyane no gusohora izindi nyinshi.

Platini yifashishije Shaddyboo mu mashusho y'indirimbo 'Helena'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .