Abakobwa 10 bo muri EAC barimo Abanyarwandakazi 5 mu bahataniye Miss Career Africa (Amafoto)

Yanditswe na Uwiduhaye Theos
Kuya 15 Ukwakira 2020 saa 11:13
Yasuwe :
0 0

Abakobwa 10 bo mu Karere ka Afurika y’Iburasirazuba babonye itike yo guhatanira ikamba rya Miss Career Africa, izasorezwa mu Rwanda mu mpera z’umwaka.

Aba bakobwa batoranyijwe muri 15 bari barimo Abanyarwandakazi barindwi bashakishwagamo uzaserukira Akarere mu guhatanira ikamba rya Miss Career Africa.

Abakatishije itike barimo batanu b’Abanyarwandakazi aribo Mutesi Betty, Naomi Mugisha, Mignone Gisèle Irankunda, Tuyishimire Clémence na Geneviève Iranyuze Atosha.

Harimo Abarundikazi Delicia Izere na Nice Cailie Ineza. Umunya-Tanzania Fauster Muttani, Umunya-Kenya Seraphine Okeyo ndetse na Nyabonyo Anna Charity wo muri Uganda.

Aba bakobwa baje biyongera ku bandi 10 batoranyijwe mu Majyepfo ya Afurika, 10 batoranyijwe mu Burengerazuba na batatu bo mu Majyaruguru ya Afurika.

Ubu mu bakobwa barindwi bo muri Afurika yo Hagati hari gutoranywamo batanu baziyongera kuri aba bose uko ari 38 bazahurira mu mwiherero uzasiga hamenyekanye uhiga abandi.

Miss Career Africa izabera i Kigali mu Ugushyingo2020. Iri rushanwa rifite intego y’imyaka 30, aho nibura abakobwa 450 000 bazaba bamaze kuvamo ba rwiyemezamirimo bato, abahanga mu mirimo n’inganda zitandukanye muri Afurika.

Rizajya riba hasimbukwe umwaka umwe ryongere kuba. Ku ikubitiro Miss Career Africa 2020 azatorerwa mu Rwanda mu birori bikomeye bizaba ku wa 27 Ugushyingo 2020, bizabanzirizwa n’umwiherero. Mu 2022 iri rushanwa rizabera muri Nigeria.

Hazatorwa uzahiga abandi abe ariwe ugirwa Miss Career Africa 2020, mu gihe hazatangwa andi makamba arimo nka Miss Speaker, Miss Technology, Miss Hospitality, Miss Science, Miss Talent na Miss Art.

Irushanwa rya Miss Career Africa ntabwo rigendera ku bwiza ahubwo rireba umushinga w’umukobwa, kuko icyo rigamije ni uguteza imbere igitsinagore kurusha ibindi byose.

Ibisabwa mu bashaka guhatana ni ukuba uri hagati y’imyaka 18-24, uri umushabitsi wasoje amashuri yisumbuye cyangwa wiga muri kaminuza unabarizwa muri Afurika.

Tuyishimire Clémence wo mu Rwanda
Delicia Izere wo mu Burundi ni umwe mu bakobwa bazitabira Miss Career Africa i Kigali
Fauster Muttani wo muri Tanzania ni umwe mu bazitabira Miss Career Africa mu Rwanda
Iranyuze Atosha Geneviève wo mu Rwanda ari mu bakobwa 10 baroranyijwe bazahagararira Afurika y'Iburasirazuba
Mignone Gisèle Irankunda wo mu Rwanda ukomoka mu Karere ka Rusizi na we ari mu bakobwa bazitabira Miss Career Africa izasorezwa mu Rwanda
Mutesi Betty ari mu Banyarwandakazi batanu bahataniye Miss Career Africa
Naome Mugisha nawe wo mu Rwanda ari mu bakobwa 10 babashije guhigika abandi muri Afurika y'Iburasirazuba
Nice Cailie Ineza wo mu Burundi yiteguye kuza muri Miss Career Africa mu Rwanda
Seraphine Okeyo wo muri Kenya yabashije kuza mu bakobwa 10 bazitabira Miss Career Africa mu Rwanda
Umugandekazi Nyabonyo Anna Charity

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .