00:00:00 IGIHE NETWORK KN KINYARWANDA EN ENGLISH FR FRANCAIS

Abafana bateje akavuyo bapfundura isanduku yarimo umurambo wa DJ Arafat

Yanditswe na Muvunyi Arsène
Kuya 1 September 2019 saa 08:08
Yasuwe :

Abafana b’umuhanzi DJ Arafat uherutse kwitaba Imana bateje akavuyo aho yari agiye gushyingurwa bapfundura isanduku yari arimo baramufotora.

Kuri uyu wa wa Gatandatu nibwo umuhanzi w’icyamamare DJ Arafat wo muri Côte d’Ivoire yashyinguwe nyuma yo guhitanwa n’impanuka tariki 12 Kanama 2019.

Uyu muhanzi wafatwaga nk’umwami w’injyana ya Coupé-décalé yari afite umubare munini w’abakunzi muri Afurika no hirya no hino ku isi.

Mu ijoro ryo kuri uyu wa Gatanu habaye igitaramo gikomeye cyo kumusezeraho cyabereye kuri sitade yitwa Félix Houphouët-Boigny. Hari hari abahanzi bakomeye nka Davido, Fally Ipupa, Koffi Olomide n’abandi.

Abo mu muryango wa DJ Arafat bifuje kumushyingura hari inshuti nke n’abo mu muryango, ariko abakunzi bateje akavuyo icyari ikiriyo gihinduka imvururu.

Ibiro Ntaramakuru by’Abafaransa, AFP yatangaje ko haje igihiriri cy’abafana be bagapfundura isanduku ku ngufu maze bagatangira gufata amafoto yaje no gukwirakwiza ku mbuga nkoranyambaga.

Aka kavuyo kaje guhoshwa na Polisi yakoresheje ibyuka biryana mu maso kugira ngo itatanye abashakaga gushinyagurira uwo murambo.

DJ Arafat yishwe na moto mu gihe ari cyo kinyabiziga yakundaga cyane dore ko yanazikoreshaga mu mashusho y’indirimbo ze nyinshi zirimo n’iyo yise “Moto Moto” yasohoye muri Gicurasi.

Yitabye Imana amaze gukora album 11 mu myaka 15 yari amaze akora umuziki. Mu 2016 na 2017 yahembwe nk’umuhanzi w’umwaka muri Coupé-Decalé Awards.

Inkuru bifitanye isano: DJ Arafat yasezeweho nk’intwari mu muhango witabiriwe n’ababarirwa mu bihumbi

Abafana bapfunduye isanduku irimo umurambo wa DJ Arafat
Davido ni umwe mu bari bagiye gushyingura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .