Karate: U Rwanda rwegukanye imidali ine ku munsi wa mbere wa Shampiyona ya Afurika

Yanditswe na Manzi Rema Jules
Kuya 1 Nzeri 2018 saa 02:08
Yasuwe :
0 0

Ku munsi wa mbere wa shampiyona ya Afurika ya karate iri kubera i Kigali, u Rwanda rwegukanye imidali ine, Misiri iza ku isonga yegukana imidali 10.

Iri rushanwa rikomeye u Rwanda rwakiriye bwa mbere, ryatangiye kuri uyu wa Gatanu ryitabirwa n’ibihugu 25. Riri kubera i Rusororo muri “Intare Conference Arena.”

U Rwanda rwegukanye imidali ine irimo uwa Feza (Silver) watwawe na Niyitanga Halifa mu kurwana (Kumite) mu bato batarengeje ibiro 61.

Hari kandi imidali y’Imiringa (Bronze) yegukanwe mu kurwana, na Umunezero Jovia mu bato batarengeje ibiro 59, Mukangoboka Marie Solange mu bato batarengeje ibiro 48 n’uwegukanywe n’ikipe y’u Rwanda mu kwiyereka (Kata).

Muri rusange, Misiri niyo yegukanye imidali myinshi (10); Cameroun itwara itanu; Algeria, Namibia na Afurika y’Epfo betwara imidali ne naho Botswana yegukana itatu.

Imikino yakomeje kuri uyu wa Gatandatu, ikazasozwa ku Cyumweru. Kwinjira ni ubuntu ku muntu wese.

Uwa mbere yegukana umudali wa zahabu, uwa kabiri akegukana uwa Feza naho uwa gatatu n’uwa kane batwara Umuringa.

Minisitiri w'Umuco na Siporo Uwacu Julienne wari umushyitsi mukuru mu gutangiza iri rushanwa
Mu cyiciro cyo kwiyereka ku makipe, Algeria yabaye iya mbere ikurikirwa na Misiri, Afurika y'Epfo n'u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza