Rayon Sports ishobora gufatirwa ibihano nyuma yo kutitabira Igikombe cy’Intwari 2020

Yanditswe na Eric Tony Ukurikiyimfura
Kuya 7 Gashyantare 2020 saa 10:39
Yasuwe :
0 0

Ishyirahamwe ry’Umupira w’Amaguru mu Rwanda (FERWAFA) rishobora gufatira Rayon Sports ibihano nyuma y’uko ititabiriye igikombe cy’Ubutwari cy’uyu mwaka cyakinwe guhera tariki ya 25 Mutarama kugeza ku ya 1 Gashyantare 2020.

Habura umunsi umwe ngo iri rushanwa ritangire nibwo Ubuyobozi bwa Rayon Sports bwatangaje ko butazarikinira kuko bwangiwe gukinisha abakinnyi bose barimo n’abatarabona ibyangombwa.

Kiyovu Sports yabaye iya gatanu mu mwaka ushize w’imikino, ni yo yasimbuye Rayon Sports yatwaye Shampiyona, muri iri rushanwa rihuza amakipe ane ya mbere.

Kwikura mu irushanwa kwa Rayon Sports kwavuzweho bitandukanye n’abatari bake, bamwe bavuga ko bidakwiye mu gihe abakunzi ba Rayon Sports bavugaga ko bihagazeho nk’intwari.

Amakuru agera kuri IGIHE avuga ko kuri uyu wa Gatanu ari bwo kuri FERWAFA hateranira inama yiga kuri iki kibazo cya Rayon Sports ndetse ishobora no kwemeza ibihano bihabwa iyi kipe.

Umunyamabanga Mukuru wa FERWAFA, Uwayezu François Régis, yabwiye IGIHE ko ntacyo yavuga ku bijyanye no guhanwa kwa Rayon Sports, yongeraho ko iyo hari imyanzuro igenewe abantu bose itangazwa.

Ati “Ibyo guhana Rayon Sports ntacyo nabivugaho. Niba bihari abantu bategereza bakazabimenya igihe cyabyo kigeze. Inama ni ibisanzwe, Komite Nyobozi ishobora gukora inama. Tugira uko dukora, tugira inama zitandukanye, iyo harimo imyanzuro igenewe abantu bose turayitangaza.”

Umunyamabanga wa Leta muri Minisiteri y’Ububanyi n’Amahanga, Amb. Nduhungirehe Olivier, ni umwe mu bagaragaraje ko FERWAFA idakwiye kwihanganira kwikura mu Gikombe cy’Intwari kwa Rayon Sports.

Bivugwa ko Rayon Sports ishobora guhanishwa kumara imyaka ibiri idakina Igikombe cy’Intwari n’andi marushanwa ategurwa mu Rwanda, ukuyemo Shampiyona n’Igikombe cy’Amahoro.

Rayon Sports yanze gukina irushanwa ry'Ubutwari 2020, ishobora gufatirwa ibihano

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .