00:00:00 IGIHE NETWORK KN KINYARWANDA EN ENGLISH FR FRANCAIS

NBA Playoffs: Golden State Warriors yatwaye igikombe cy’uburengerazuba

Yanditswe na Mihigo Saddam
Kuya 27 May 2022 saa 11:17
Yasuwe :

Golden State Warriors yatwaye igikombe cy’uburengerazuba itsinze Dallas Mavericks amanota 120-110 mu mukino w’umunsi wa gatanu. Stephen Curry yabaye umukinnyi mwiza muri iyi mikino.

Goden State Warriors yatsinze Dallas Mavericks amanota 120-110 (28-23, 41-29, 25-32, 26-26). Klay Thompson yatsinze amanota 32.

Ni umukino wari ukomeye kuko abakinnyi ba Golden State Warriors batifuzaga ko Dallas yabona intsinzi ya kabiri muri uru rugendo.

Gusa Stephen Curry ntabwo yabonye amanota menshi muri uyu mukino, yatsinze amanota 15 mu minota 35 yamaze mu kibuga.

Abandi bakinnyi bafashije ikipe ya Golden State Warriors gutwara igikombe bakanayobora uduce tubiri twa mbere barimo Andrew Wiggins watsinze amanota 18.

Draymond Green yatsinze amanota 17, Kevon Looney atsinda amanota 10 mu gihe Jordan Poole yatsinze amanota 16.

Abakinnyi ba Dallas Mavericks bari bafite ubushake no gushaka gutsinda umukino wabo wa kabiri, bayoboye agace ka gatatu batsinda amanota 32-25.

Gusa agace ka kane bari batezeho kuzamura amanota, ntabwo kababereye keza kuko amakipe yombi yanganyije amanota 26-26.

Luka Dončić usanzwe afasha Dallas kuzamura amanota, yongeye kurusha bagenzi be gutsinda abashyiriramo amanota 28. Yakinnye umukino wose adasimbuwe.

Jalen Brunson yatsinze amanota icumi mu minota 30 yakinnye mu gihe Spencer Dinwiddie yatsinze amanota 26.

Muri iyi mikino ya nyuma y’igice cy’uburengerazuba, Stephen Curry wa Golden State Warriors niwe wahize abandi ahabwa igihembo cy’umukino mwiza (MVP).

Mu mikino ya nyuma ihuza ibyerekezo, Golden State Warriors izahura n’ikipe izava hagati ya Boston Celtics na Miami Heat.

Kuri uyu wa Gatandatu tariki 28 Gicurasi 2022, Boston Celtics na Miami Heat barakina umukino wa gatandatu. Mu mikino itanu iheruka, Boston iri imbere n’intsinzi 3-2.

Boston Celtics yayoboye nyuma yo gutsinda umukino w’umunsi wa gatanu amanota 93-80 (17-19, 20-23, 32-16, 24-22).

Boston Celtics ni yo ifite amahirwe yo gutwara igikombe cy’uburasirazuba kuko isabwa gutsinda umukino umwe.

Umukino w’umunsi wa gatandatu urakinwa kuri uyu wa Gatandatu tariki 28 Gicurasi 2022 saa munani n’igice z’igicuku ku masaha yo mu Rwanda.

Golden State Warriors yatwaye igikombe cy'uburengerazuba itsinze Dallas imikino 4-1
Mu mikino itanu yahuje impande zombi, Dallas yatsinzemo umukino umwe
Luka Dončić yagerageje gufasha Dallas mu mukino atsinda amanota 28
Dallas Mavericks bayoboye agace ka gatatu , aka kane birayinanira
Nyuma yo gutsinda imikino itatu ya mbere, Golden State Warriors yahise izamura amahirwe yo gutwara igikombe
Frank Ntilikina yatsinze amanota atandatu mu mukino
Mu ishyaka ryinshi, Spencer Dinwiddie yatsinze amanota 26 afasha Dallas
Stephen Curry ni we mukinnyi wahize abandi mu gice cy'uburengerazuba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .