00:00:00 IGIHE NETWORK KN KINYARWANDA EN ENGLISH FR FRANCAIS

NBA Playoffs: Dallas yagabanyije umuvuduko wa Warriors; Ntilikina atsinda amanota atanu

Yanditswe na Mihigo Saddam
Kuya 25 May 2022 saa 11:26
Yasuwe :

Ikipe ya Dallas Mavericks yagabanyije umuvuduko wa Golden State Warriors, ibona intsinzi ya mbere y’amanota 119-109 mu mukino wa kane mu gice cy’Uburengerazuba.

Imikino itatu iheruka yose, Golden State Warriors yarayitsinze mu gihe mu rukerera rw’uyu wa Gatatu, Dallas Mavericks yabonye intsinzi ya mbere.

Dallas yari mu rugo ku kibuga cya American Airlines Center, abakinnyi bayo bakoze iyo bwabaga batsinda uduce dutatu twa mbere.

Agace ka nyuma, Golden State Warriors yagatsinze ku manota 39-20, ikinyuranyo cy’amanota 19 mu gihe Dallas yari yashyizemo amanota 29.

Dallas yafashijwe kuzamura amanota n’abakinnyi bayobowe na Luka Dončić watsinze amanota 30 mu minota 38 yakinnye.

Dorian Finney-Smith yatsinze amanota 23, Reggie Bullock atsinda 18 mu minota 38 yamaze mu kibuga. Jalen Brunson yatsinze amanota 15.

Umunyarwanda unafite ubwenegihugu bw’u Bufaransa, Frank Ntilikina yatsinze amanota atanu mu minota 17.

Spencer Dinwiddie wari uhagaze neza mu mukino, yatsinze amanota icumi mu minota 28 yamaze mu kibuga. Maxi Kleber yatsinze amanota 13.

Ku ruhande rwa Golden State Warriors isanzwe ifashwa na Stephen Curry mu kubona amanota menshi, ntabwo byamuhiriye kuko yatsinze amanota 20.

Jonathan Kuminga yabaye umukinnyi wafashije Golden State Warriors mu gushaka kwishyura atsinda amanota 17.

Andrew Wiggins yatsinze amanota 13, Draymond Green atsinda 10 mu gihe Jordan Poole yatsinze amanota 14 mu minota 29.

Umukino wa gatanu hagati ya Dallas Mavericks na Golden State Warriors uzakinwa kuwa Gatanu tariki 27 Gicurasi 2022 saa cyenda z’urucyerera.

Golden State Warriors irasabwa intsinzi imwe mu mikino itatu iri imbere kugira ngo ibone itike y’imikino ya nyuma ihuza ibyerecyezo byombi.

Mu gice cy’uburasirazuba, Miami Heat na Boston Celtics zirakina umukino wa gatanu kuri uyu wa Kane saa munani n’igice z’igicuku. Amakipe yombi aranganya imikino 2-2.

Ntilikina yatsinze amanota atanu muri uyu mukino
Abakinnyi ba Dallas Mavericks baje mu mukino bari hejuru mu buryo bwo gutsinda amanota
Mu duce dutatu twa mbere nta jambo ikipa ya Golden State Warriors yari ifite imbere ya Dallas
Abakinnyi ba Dallas Mavericks badohotse mu gace ka nyuma kuko bari bamaze kwizigama amanota 29
N'ubwo yatsinze umukino w'umunsi wa kane, Dallas Mavericks irasabwa gutsinda imikino itatu isigaye yikurikiranya
Mu gihe ikipe ya Dallas Mavericks yatsindwa umukino wo kuwa Gatanu yahita isezererwa
Abakinnyi ba Golden State Warriors bazuye umugara mu gace ka kane k'umukino
Abakinnyi ba Golden State Warriors barasabwa gutsinda umukino umwe muri itatu iri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .