00:00:00 IGIHE NETWORK KN KINYARWANDA EN ENGLISH FR FRANCAIS

Umuriro watse! Mukuru wa Pogba yasohoye amashusho mashya ahishura uko yinjiye mu bapfumu

Yanditswe na Israel Ishimwe
Kuya 24 Nzeri 2022 saa 03:23
Yasuwe :

Mathias Pogba yongeye gukoza agati mu ntozi nyuma yo gutanga amashusho akubiyemo amakuru mashya ku mikoranire ya murumuna we Paul Pogba ukinira Juventus n’Ikipe y’Igihugu y’u Bufaransa n’abapfumu.

Muri ayo mashusho, Mathias Pogba ukurikiranyweho uruhare mu mugambi wo kwambura amafaranga umuvandimwe we, yavuze uko Paul Pogba yifashishije Umunya-Côte d’Ivoire Serge Aurier ukinira Nottingham Forest kugira ngo agere ku bapfumu.

Mathias Pogba w’imyaka 32 yemeye ko yari inyuma y’amashusho yashyizwe ku mbuga nkoranyambaga ku wa 27 Kanama 2022, ateguza “gushyira hanze ibintu bikomeye” kuri Paul Pogba.

Kuva icyo gihe yatangiye gutangaza amakuru agaragaza umuvandimwe we nk’umuntu udashobotse, umugambanyi, anavuga uko yajyanye bamwe mu bakinnyi bagenzi be kubarogesha mu bapfumu.

Mu byo Mathias Pogba ufunze yatangaje abinyujije ku rukuta rwe rwa Twitter, yavuze ko murumuna we yubatse ubucuti n’umupfumu w’inshuti ya hafi n’Umufaransa Alou Diarra, kuri ubu utoza Troyes y’Abatarengeje imyaka 19.

Ayo mashusho yasohotse ku wa Kane, tariki ya 22 Nzeri 2022, avugamo ko yageze ku mupfumu abifashijwemo na Serge Aurier.

Yanavuze ko Paul Pogba yishyuraga umupfumu inshuro ebyiri mu kwezi ari hagati ya 75,000€ na 100,000€ agamije gushaka uko agendera kure umuryango we.

Hari aho yagize ati “Uyu muntu, umuvandimwe wanjye yishoye mu bapfumu mu myaka yashize, akorana n’umurozi uzwi nka Marabout Ibrahim witwa Grande, inshuti ya hafi na Alou Diarra wahoze ari umukinnyi, bamenyanye biciye kuri Serge Aurier.’’

Yakomeje ati “Mu byo umuvandimwe wanjye yakoze ni uko ibyo abanyabyaha bakora mu izina rye harimo n’ikimeze nko kunywa amaraso. Yarogesheje abakinnyi benshi bakinana barimo na Mbappé.’’

Mathias Pogba yanavuze ko Paul yifashishije umupfumu amusaba kuvuma Kylian Mbappé mu mukino wahuje Ikipe ye ya PSG yo mu Bufaransa na Manchester United yo mu Bwongereza [yakinagamo mbere yo gusubira muri Juventus yo mu Butaliyani] mu 2019.

Mathias Pogba yakomeje ashinja murumuna we ko atari umuntu mwiza, indyarya ndetse ko ukuri kw’ibyo avuga kuzahishuka.

Ati “Umuvandimwe wanjye Paul, arishushanya ndetse ni umwicanyi. Bizakugiraho ingaruka nk’uko byagendekeye R. Kelly, Weinstein cyangwa Mendy. Uzabona ko ibi atari byiza. Kwamamara ntibisaba kuba umuntu mwiza. Nta wuri hejuru y’ubutabera.’’

Kugeza kuri ubu, Paul Pogba acungiwe umutekano na Polisi yo mu Butaliyani nyuma y’amakuru yatangajwe ko ashobora kuba ahigwa n’itsinda ry’amabandi yitwaje intwaro.

Umubyeyi we, Yeo Moriba na we biravugwa ko arinzwe cyane nyuma y’amakuru yerekanye ko yashyizweho igitutu ngo asabe Paul Pogba kwishyura ako gatsiko k’amabandi.

Paul Pogba yavuze ko ako gatsiko kayobowe na mukuru we Mathias Pogba n’izindi nshuti ze zo mu bwana.

Umuryango wa Pogba na mukuru we urimo umwiryane nyuma y'amakuru y'ibanga yahishuwe arimo n'imikoranire ya bamwe mu bawugize n'abapfumu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .