{Ku rutonde rw’abakinnyi 100 bahembwa amafaranga menshi kurusha abandi ku Isi rwashyizwe ahagaragara n’ikinyamakuru Forbes, Cristiano Ronaldo na Lionel Messi bari mu gikombe cy’Isi bagaragaye mu 10 ba mbere.}

Kugeza ubu uru rutonde ruyobowe n’umuteramakofi Floyd Mayweather Jnr ari we winjije amafaranga menshi kurusha abakinnyi bose ku Isi mu mwaka wa 2013. Yinjije miliyoni 105 z’Amadolari ya Amerika ($105m).

Umunya-Portugal Cristiano Ronaldo ukinira ikipe ya Real Madrid yo muri Espagne, ari ku mwanya wa kabiri kuri uru rutonde, aho yinjije miliyoni 80 z’Amadolari ya Amerika ($80m).

Umunya-Argentine Lionel Messi ukinira ikipe ya FC Barcelona yo muri Espagne, ari ku mwanya wa kane kuri uru rutonde, aho yinjije miliyoni 64.7 z’Amadolari ya Amerika ($64.7m).