Greipel na Teklehaimanot mu bihangange bizahangana na Areruya muri La Tropicale

Yanditswe na Ngabo Roben
Kuya 30 Ukuboza 2018 saa 02:44
Yasuwe :
0 0

Ikipe y’Igihugu y’u Rwanda y’umukino wo gusiganwa ku magare iyobowe na Areruya Joseph ikomeje umwiherero yitegura La Tropicale Amissa Bongo 2019 izahanganamo n’amakipe arimo ibihangange nka André Greipel na Daniel Teklehaimanot.

Harabura iminsi 22 ngo rwambikane mu mihanda y’imirambi y’igihugu cya Gabon mu isiganwa mpuzamahanga ry’umukino wo gusiganwa ku magare ‘La Tropicale Amissa Bongo’ riteganyijwe hagati ya tariki 21 na 27 Mutarama 2019.

Itsinda ritegura iri siganwa mpuzamahanga ryamaze gutangaza amazina y’abakinnyi n’amakipe azahanganira kwambura Areruya Joseph umwenda w’umuhondo yegukanye muri La Tropicale Amissa Bongo ya 2018.

Uyu mukinnyi w’umunyarwanda uherutse gutorwa nk’uwa mbere muri Afurika mu mukino wo gusiganwa ku magare ari mu bitezwe i Bongoville, Umujyi uzatangirizwamo isiganwa.

Abandi bakinnyi bazwi bamaze kwemeza ko bazitabira harimo Umunya-Algeria, Youcef Reguigui wakiniye ikipe ya mbere ya Team Dimension Data for Qhubeka kuva mu 2013 kugera 2017 ubu ukina muri Sovac–Natura4Ever y’iwabo uzakina muri Gabon yambaye umwenda w’ikipe y’igihugu.

Algeria izaba kandi ihangana n’ikipe y’igihugu ya Érythrée yakoze ku nkingi za mwamba zayo zisanzwe zikina ku mugabane w’u Burayi nka Daniel Teklehaimanot Girmazion usanzwe ukina muri Cofidis Solutions Crédits yo mu Bufaransa, uzafatanya n’abandi bazwi nka Eyob Metkel ukina nk’uwabigize umwuga muri Terengganu Cycling Team yo muri Malaysie.

Aba bose bazaba bahangana n’igihangange Andre Greipel, umukinnyi wa mbere ku isi muri ’Sprint’ ubu ukinira Fortuneo– Arkea Samsic yo mu Bufaransa.

Urutonde rw’abakinnyi n’amakipe azitabira La Tropicale Amissa Bongo ya 2019

Direct Energie (yo mu Bufaransa): Gene Yohann, Bonifazio Niccolo, Gaudin Damien, Journiaux Axel, Petit Adrien na Pichot Alexandre.

Fortuneo– Arkea Samsic (yo mu Bufaransa): Daniel Maxime, Feillu Brice, Le Roux Romain, Pichon Laurent, Riou Alan na Greipel André.

Vital Concept (yo mu Bufaransa): Ermenault Corentin, Fournier Marc, Lammertink Steven, Lecrocq Jeremy, Manzin Lorenzo na Mottier Justin.

Androni–Sidermec (yo mu Butaliyani): Bisolti Alessandro, Busato Matteo, Frapporti Marco, Pelucchi Matteo, Spreafico Matteo na Vendrame Andrea.

ProTouch Cycling Club (yo muri Afurika y’Epfo): Butler Reynard, Eliot Mitchell, Fourie James, Julius Jayde, Jim Songezo na Van Heerden Mornay.
Algerie: Reguigui Youcef, Bechlaghem Abderahmane, Benyoucef Abdellah, Hamza Abderahmane Medhi, Lagab Azzedine na Mansouri Abderahmane.

Burkina Faso : Nikiema Abdoul Aziz, Sorgho Mathias, Bamogo Seydou, Ilboudo Harouna, Daumont Paul na Koné Souleymane.

Cameroun : Kamzong Clovis, Tientcheu Michel Boris, Tella Artuce, Fozing Robert, Nanko Yannick na Kuere Rodrigue.

Côte d’Ivoire : Cisse Isiaka, Bamba Karamoko, Sanogo Abdou, Lengani Amadou, Traore Souleymane na Yossi Adama.

Érythrée: Debretsion Aron, Eyob Metkel, Girmay Biniam, Teklehaimanot Daniel, Mulubrhan Henok na Tesfom Sirak.

Ethiopie: Buru Temesgen, Ebrahim Redwan, Gebrewahd Tamrat, Gebremariam Fiseha, Redae Tedros na Haylemaryam Kibrom.

Maroc: Galdoune Ahmed Amine, Sekkak Imad, Bdadou Youssef, BERJALI Yassine, Akkaoui Hichame na Yamani Mohammed.

Ibirwa bya Maurice: Lecourt Billot, Olivier Rougier, Lagane Christopher, Rabaye Fidzerald, Mayer Alexandre, Rougier Lagane, Gregory How Saw, na Keng Matthew.

U Rwanda: Joseph Areruya, Samuel Mugisha, Bonaventure Uwizeyimana, Didier Munyaneza, Nkurunziza Yves, na Jean Claude Uwizeye

Greipel wa mbere ku Isi muri Sprint azahangana na Team Rwanda
Areruya Joseph wegukanye iri siganwa umwaka ushize ari mu bihangange bigiye guhangana mu 2019
Daniel Teklehaimanot ari mu bakinnyi ikipe y'igihugu ya Érythrée izaserukana
Team Rwanda izaba iyobowe na Areruya Joseph izaba ihanzwe amaso

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza