Mu nama yiswe Ai4 yabereye i Las Vegas, uyu muhanga wegukanye igihembo cya Nobel muri siyansi, yavuze ko gushaka gukomeza gufata iri koranabuhanga rya ‘AI’ nk’iritegekwa gusa bizagera aho bigahagarara, kuko hari igihe kizagera abantu batazaba barifiteho ububasha.

Hinton yatanze igitekerezo kidasanzwe, avuga ko aho kubaka porogaramu za ‘AI’ ngo abantu bazitegeke kububaha, zikwiye kubakanwa ubushobozi bwo kubaha ikiremwa muntu, kuko bitabaye ibyo hari igihe cyazagera abantu ntibabe bakizifiteho ububasha.

Fei-Fei Li, na we uzwi cyane mu rwego rw’ikoranabuhanga asanga ikoranabuhanga rikwiye kubakwa rishingiye ku muntu [human-centered], rikubaha agaciro n’uburenganzira bwe.

Emmett Shear, wahoze ari umuyobozi w’agateganyo wa OpenAI, yongeyeho ko imyitwarire ya ‘AI’ idakwiye yatangiye kugaragara, kandi ko uburyo bwiza ari ugushyiraho uburyo bw’imikoranire hagati y’abantu n’iri koranabuhanga aho kugerageza kuryigisha “indangagaciro z’abantu.”