00:00:00 IGIHE NETWORK KN KINYARWANDA EN ENGLISH FR FRANCAIS

Uburyo bwiza bwo kwitandukanya n’ububata bw’ibikoresho by’ikoranabuhanga

Yanditswe na Mugisha Christian
Kuya 13 May 2022 saa 10:55
Yasuwe :

Tubayeho mu buzima bugaragara nk’ubushya kuri bamwe cyangwa ubudasanzwe, aho benshi muri twe badashobora kumara nibura iminota 15 badakoresheje telefoni, mudasobwa cyangwa televiziyo.

Bamwe bamaze kwakira ibi bikoresho nk’igice kigize ubuzima bwabo ku buryo iyo batari kumwe n’ibyo bumva bihebye ndetse bakumva ubuzima bwabo budatekanye.

Nyamara gukoresha cyane ibi bikoresha by’ikoranabuhanga bigira ingaruka ku buzima bwabo, imihindagurikire y’imibereho ya buri munsi bishobora no kwangiza imikorere y’ubwonko bwawe nk’uko bigaragazwa n’ubushakashatsi, ari nayo mpamvu habaho icyitwa ‘Digital Detox’ mu ndimi z’amahanga.

Digital Detox ugenekereje mu Kinyarwanda bisobanura ‘Kwitandukanya n’ikoranabuhanga’ ibi biba mu gihe umuntu yirinze gukoresha ibikoresho by’ikoranabuhanga nka telefoni, televiziyo, mudasobwa, n’imbuga nkoranyambaga.

Ubu buryo bukunze kugaragara nka bumwe mu buryo bwo kwibanda ku mibereho isanzwe.

Mu guhagarika ikoreshwa ry’ibi bikoresho byibuze by’igihe gito abantu bashobora kurwanya imihangayiko ituruka ku mikoreshereze yabyo bigafasha umuntu kubona umwanya wo kwiyitaho.

Ubushakashatsi bugaragaza iki?

Ikoranabuhanga rirashobora gutera umuhangayiko ukabije! Mu gihe abantu bakunze kumva ko badashobora kubaho mu buzima badafite ibikoresho byabo by’ikoranabuhanga.

Ubushakashatsi bwerekanye ko gukoresha ikoranabuhanga nabyo bishobora kugira uruhare mu bibazo bya muntu.

Mu bushakashatsi bwakozwe n’Ishyirahamwe ry’Ubumenyi n’Inzobere ryaba Psychologue muri Amerika ‘American Psychology Association’, buri mwaka muri Amerika, kimwe cya Gatanu cy’abantu bakuru hafi 18% by’abatuye icyo gihugu, buvuga ko gukoresha ikoranabuhanga ari isoko ikomeye y’umuhangayiko mu buzima bwabo.

Ubushakashatsi bumwe bwakozwe n’abashakashatsi bo muri Suède bwerekanye ko gukoresha ikoranabuhanga byiganje mu rubyiruko n’abakuze bifitanye isano n’ibibazo byo gusinzira, ibimenyetso byo kwiheba, ndetse no kongera guhangayika gukabije.

Mu bushakashatsi kandi bwasohotse mu kinyamakuru ‘Child Development’, bwerekanye ko gukoresha ikoreshwa ry’ibi bikoresho rya buri munsi bifitanye isano no kongera ibibazo by’ubuzima bwo mu mutwe mu rubyiruko.

Igihe kinini cyakoreshejwe byifashishijwe cyahujwe no kongera ibimenyetso bya ‘ADHD’ no kongera imyitwarire idahwitse.

Impamvu zo kwitandukanya n’ibikoresho by’ikoranabuhanga

Ku bantu benshi, guhugira mu Isi y’ikoranabuhanga ni kimwe mu bigize ubuzima bwabo. Dukurikije ubushakashatsi bwakozwe na Sosiyete ya ‘Nielsen’, abantu bakuze bo muri Amerika bamara amasaha 11 buri munsi bumva, bareba, basoma, cyangwa bafite aho bahurira n’itangazamakuru.

Hariho impamvu nyinshi zishobora gutuma ureka telefoni yawe n’ibindi bikoresho nkayo by’igihe gito. Hari ubwo biba ngombwa ko ubaho mu buzima butuje budatejwe inkomyi na telefoni yawe n’ibindi nkayo.

Mu bindi bihe, ushobora kumva ko ibikoresho byawe byakoreshejwe bikabije kandi bitangiye kugira ingaruka mbi zitandukanye mu buzima bwawe.

Hari ubwo kandi ushobora no kumva bitangiye ku kuyobora aho kubiyobora wowe nyirabyo. Abahanga benshi bemeza ko gukoresha ibi bikoresho igihe kinini bitera imyitwarire itandukanye ishobora gukurura ibibazo by’umubiri, imitekerereze, n’imibereho.

Ni gute Wakitandukanya n’ibi bikoresho

Bamwe bibwira ko kwitandukanya nabyo ari ukureka kubikoresha burundu ariko siko biri ahubwo icy’ingenzi ndetse cya ngombwa ni gukoresha ibikoresho byawe wita ku nyungu z’ubuzima bwawe bwite ndetse ukabikoresha mu gihe cya ngombwa.

Ibi ni ibishobora kugirira akamaro ubuzima bwawe bwo mu mutwe.

Uburyo bwiza ni ugushyiraho imipaka no kugena igihe runaka cyo gukoresha ibi bikoresho ndetse no kwiyemeza uko ukwiye kubikoresha mu buryo bukugirira akamaro, aho kwangiza ubuzima bwawe.

Ubundi buryo bwa kwifashishwa ni ukuzimya amatangazo [notification] yo kuri telefone yawe by’igihe runaka.

Porogaramu nyinshi z’imbuga nkoranyambaga zirimo Facebook, Instagram, Twitter n’izindi.

Ushobora kandi kwirinda gukoresha ibi bikoresha uha umwanya ibintu bisa n’aho wari warirengagije kubera byo [ibikoresho by’ikoranabuhanga].

Ushobora guhura n’inshuti zawe wari waraheje mukamarana igihe runaka, ushobora gukora imyitozo ngororamubiri, gutembera no kuganira n’abantu ukagerageza kongera kwihuza nabo.

Ibi bizagufasha gukurikirana no kumenya ubuzima n’imibereho utari uzi uzumva kandi ufite umudendezo uzabona n’umwanya wo kwibanda cyane kubindi bintu ukunda kandi biguhora hafi.

Ni byiza kugenzura uburyo ukoresha ibikoresho by'ikoranabuhanga ngo utaba imbata yabyo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .