Mu 2019 Isi yahombye miliyari 8 z’amadolari kubera gufungira abaturage internet

Yanditswe na Joy Monique Dukuze Umutesi
Kuya 31 Mutarama 2020 saa 10:12
Yasuwe :
0 0

Mu mwaka wa 2019, ubukungu bw’Isi bwahombye miliyari 8 z’amadolari kubera gufunga internet bitewe n’ibikorwa bya za Guverinoma byo kubuza abaturage kwigaragambya.

Nk’uko bigaragazwa VPN, rwifashishwa mu gufungura amakuru ari ku mbuga za Internet zafunzwe, igihombo ku bukungu bw’Isi kubera gufunga internet n’imbuga nkoranyambaga cyazamutse ku kigero cya 235% ugereranyije no mu mwaka wa 2015/2016 ubwo igihombo cyari milyari 2.4 z’amadorali.

Raporo ya VPN igaragaza ko ingaruka iki kibazo cyateje zikwiriye kurangirana n’uyu mwaka wa 2020, kubera ko umwaka wa 2019 wagaragayemo ibikorwa bigera kuri 122, byatumye hafungwa internet amasaha ibihumbi 18 ku Isi hose.

Ku burenganzira bwa muntu, raporo igaragaza ko ifungwa rya internet ryagize ingaruka ku bwisanzure bw’abaturage no ku burenganzira bwo kubona amakuru, binateza imvururu.

Iki kibazo cyagaragaye cyane mu bihugu byo mu Burasirazuba bwo hagati no mu Majyaruguru ya Afurika, aho igihombo cyageze kuri miliyari 3.1 z’amadolari.

Mu bihugu biri munsi y’ubutayu bwa Sahara, igihombo cyageze kuri miliyari 2.1 z’amadolari, na ho muri Aziya kigera kuri miliari 1.6 z’amadolari.

Gufunga interineti byagaragaye cyane igihe Guverinoma zabaga zihangana n’abigaragambya cyane cyane mu gihe cy’amatora, mu rwego rwo kugira ngo bagenzure uburyo amakuru agenda no kubafasha kuguma ku butegetsi.

Guverinoma zibanze cyane mu gufunga imbuga nkoranyambaga nka WhatsApp, Facebook, Twitter na YouTube.

Gufunga internet ntibyateje igihombo ku bukungu rusange gusa, ahubwo mu bihugu bikiri mu nziza y’amajyambere byatumye iterambere ridindira n’abashoramari babitakariza icyizere.

Muri Sudani, Internet yafunzwe amasaha 864, imbuga nkoranyambaga zifungwa amasaha 696, ibi byateje igihombo cy’agera kuri miliyari 1.8 z’amadolari, ndetse habaye imyigaragambyo yatumye Perezida Omar-al-Bashir yegura, habaho n’imirwano hagati y’igisirikare n’abaturage.

Ibindi bihugu byagaragayemo iki kibazo ni Algeria, Tchad, Repubulika iharanira Demokarasi ya Congo, Ethiopia, Zimbabwe, Mauritanie, Misiri, Bénin, Gabon, Eritrea no muri Liberia.

Ku isi hose, Iraq ni yo yagize igihombo kinini kingana na miliyari 2.3 z’amadolari.

Gufunga internet hirya no hino ku isi byahombeje miliyari 8 z'amadolari

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .