Hakozwe ifaranga rishya rikoreshwa kuri internet, rishobora kuvana Bitcoin ku isoko

Yanditswe na M Moïse
Kuya 2 Kanama 2017 saa 08:30
Yasuwe :
0 0

Bitcoin ni ifaranga rimaze imyaka isaga umunani rikoreshwa kuri internet rikaba rikoreshwa na benshi kubera agaciro rifite ugereranyije n’andi mafaranga akoreshwa.

Mu gitondo cyo ku wa Kabiri nibwo hatangijwe irindi faranga rishya ryiswe “Bitcoin Cash” rikaba ryatangiye kugira agaciro kanini mu masaha make rimaze rikozwe ndetse bikaba biteye ubwoba abasanzwe bakoresha Bitcoins ko ishobora guta agaciro.

Umwe mu nzobere mw’ikoranabuhanga waganiriye na BBC dukesha iyi nkuru yavuze ko gutangiza iri faranga byagenze neza ndetse ko rinahagaze neza kw’isoko. Bitcoin Cash ikaba yakozwe hagamijwe kongera umubare wa Bitcoins zisanzwe zikoreshwa.

Blockchain(uburyo bufasha guhererekanya aya mafaranga) yari isanzwe ikoreshwa yagendaga buhoro kuri iri faranga rishya iki kibazo kikaba cyakemuwe.

Umushakashatsi wo muri Cambridge Centre mu bijyanye n’amafaranga yabwiye BBC ko nta bibazo iri faranga ryari ryatangira kugaragaza kuva ritangiye gukoreshwa, avuga ko ahubwo rifite imbaraga kandi riri gutera imbere byihuse.

Iri faranga Bitcoin Cash(BCC) imwe yavunjaga $(400) mu masaha 12 ryari rimaze rikozwe. Bitcoin isanzwe yavunjaga $2,700 kuri uyu wa Gatatu gusa byitezwe ko rishobora guta agaciro bitewe n’uburyo abantu bakwakira iri rishya ryakozwe.

Iri korwa ry’andi mafaranga ahangana na Bitcoin rizagora abakoresha ubu buryo guhitamo ayo bakoresha hagati bitewe n’uko abazahitamo gukoresha amwe muri aya mafaranga bazisanga ari bake ndetse hari n’aho atazajya yakirwa bitewe n’impamvu runaka nk’uko umuhanga muby’ikoranabuhanga wo muri kaminuza ya Oxford Vili Lehdonvirta yabitangarije BBC.

Bitcoin yari imaze imyaka 8 ikoreshwa kuri internet ndetse ifite n’agaciro ko hejuru ugereranyije n’andi mafaranga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .