Abanyarwanda batuye muri Australia bizihije umunsi wahariwe ibikorwa bya Commonwealth

Yanditswe na Uwase Joie Clarisse
Kuya 12 Werurwe 2020 saa 05:17
Yasuwe :
0 0

Mu gihe u Rwanda rwifatanyaga n’Isi mu kwizihiza umunsi wahariwe ibikorwa bya Commonwealth ku wa 9 Werurwe 2020, Abanyarwanda batuye muri Australia nabo bifatanyije n’icyo gihugu mu kwizihiza uwo munsi ukomeye.

Uyu muhango wo kwizihiza ibikorwa bya Commonwealth wabaye mu gihe u Rwanda rwitegura muri Kamena, kwakira inama izahuza abakuru b’ibihugu na za Guverinoma bigize Umuryango w’Ibihugu bikoresha Icyongereza, CHOGM.

Ibirori by’Abanyarwanda muri Australia byabereye mu mujyi wa Brisbane, aho bashimiwe uruhare rwabo mu gutanga urugero rwiza mu ruhando rw’amahanga.

Ni ibirori ngarukamwaka bihagurutsa Abanyarwanda b’ingeri zose; abana n’abakuru bagahagarika ibikorwa byabo kugirango baserukire u Rwanda.

Abitabiriye ibi birori basusurukijwe n’umuhanzi w’umunyarwanda, Ras Banamungu umaze kumenyerwa muri ibi birori, afatanije n’itsinda rye the Det-n-ators International, baririmba indirimbo bise “Inka”, irimo ubutumwa bw’uko akunda igihugu cyamubyaye.

Ni ibirori byitabiriwe n’abayobozi barimo Depite Paul de Jersey na Madamu we Kaye de Jersey, uhagarariye Umwamikazi muri Queensland, Umuvugizi wa Polisi ya Queensland, Barry Dinneen na Noela O’Donnell, Musenyeri Phillip Aspinall, Reverend Dr. Peter Catt, Bill Willcocks na Vicki Howard.

Ababyeyi bitwaje n'ibiseke mu gusigasira umuco Nyarwanda
Abitabiriye ibi bikorwa bafashe ifoto y'urwibutso
Bahawe ishimwe kubera uburyo bagaragaza isura y'u Rwanda
Abato n'abakuru bari bizihiwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza